ТекIоныгъиплIыкIэ ыублагъ

Урысыем волейболымкIэ изэнэкъокъоу апшъэрэ купэу «Б-м» щыкIорэм 2016 — 2017-рэ илъэс ешIэгъур щаублагъ. Мыекъопэ «Динамо-МГТУ-м» апэрэ ешIэгъуиплIыр тикъалэ щыриIагъ.

dsc_0392Псауныгъэр зыщагъэпытэрэ Адыгэ республикэ спорт Унэшхоу «Ошъутенэм» ешIэгъухэр щызэхащагъэх. «Динамо-МГТУ-р» «Ростов-Волей» Ростов-на-Дону гъогогъуи 4 дешIагъ. ЗэIукIэгъуи 3-р 3:0-у, зы ешIэгъур 3:1-у тикомандэ къыхьыгъэх. Александр Соколовыр, Къошк Руслъан, Мамрэш Къамбулат, Юрий Пичуевыр, нэмыкIхэри дэгъоу ешIагъэх.

«Динамо-МГТУ-м» итренер шъхьаIэу, Адыгэ Республикэм изаслуженнэ тренерэу Павел Зборовскэм къытиIуагъ тиспортсменхэр финалым хэфэнхэм зэрэфэбэнэщтхэр.

Чъэпыогъум и 26 — 30-м «Динамо-МГТУ-р» Белгород, Калугэ якомандэхэм аIукIэщт, ешIэгъухэр Ростов-на-Дону щыкIощтых.

Сурэтым итхэр: Мыекъуапэрэ Ростов-на-Донурэ якомандэхэр волейбол зэдешIэх.