Хьыкум приставхэм къаты

Тазырым ыпкъ къикIыкIэ…

DSC_0334Мыекъопэ районым щыпсэурэ хъулъфыгъэм пчъагъэрэ гъогурыкIоным ишапхъэхэр зэриукъуагъэхэм къыхэкIыкIэ тазыр 35-рэ тыралъхьагъ. Ар ытын зэрэфер щыгъупшагъа е ащ мэхьанэшхо римытыгъа, ау административнэ тазырыр ымыпщынэу бэрэ хэтыгъ. Хъулъфыгъэм дэжь хьыкум приставыр къэкIуагъ ыкIи унашъоу щыIэр зимыгъэцакIэкIэ, иавтомобиль Iахын зэралъэкIыщтыр гуригъэIуагъ. Мы чIыпIэ дэдэм автотранспортым арест тырилъхьагъ.

Лъэсэу къыкIухьан зэрилъэкIыщтым хъулъфыгъэр къыгъэщтагъ ыкIи мэфи 5-м къыкIоцI сомэ мин 20-м ехъурэ тазырыр къызэкIигъэкIожьыгъ. Мыщ фэдэ чIыпIэ шъуимыфэным пае, тазырхэр зэкIэ игъом шъупщынынхэу хьыкумым унашъоу ышIыгъэр жъугъэцэкIэнэу хьыкум приставхэр къышъоджэх.

ЧIыфэхэр игъом шъупщынынхэ фае

Бырсыр шъухэмыфэным пае чIыфэу шъутелъыр шъупщыныжьын зэрэфаер хьыкум приставхэм джыри зэ шъугу къагъэкIыжьы. АщкIэ Интернетым иамалхэр къызфэжъугъэфедэнхэ шъулъэкIыщт. Ащ пае «Банк данных исполнительных производств» зыфиIорэм е хьыкум приставхэм я Федеральнэ къулыкъу иприложениеу мобильнэ зэпхыныгъэм фэгъэхьыгъэм ясайт шъуи-

хьан, чIыфэр шъупщынын шъулъэкIыщт. Мы приложениер сотовэ телефоным е планшет компьютерым затежъугъэуцокIэ, чIыфэ шъутелъымэ, ар зыфэдизыр, нэмыкI къэбархэр къышъуIэкIэхьащтых. Электроннэ системэхэу «QIWI», «ROBOKASSA», «WebMoney» зыфиIохэрэм амалэу къатыхэрэр къызфэжъугъэфедэхэзэ, шъуичIыфэхэр шъупщыныжьынхэ шъулъэкIыщт. Ащ фэдэ шIыкIэмкIэ чIыфэр ижъугъэхьагъэ хъумэ, шъуиуахътэ къызэрэнэрэм дакIоу,

ахъщэр зэрэшъутыгъэр къэзыушыхьатырэ документыр хьыкум приставым ежъугъэлъэгъурэп. Сыда пIомэ чIыфэ зэрэшъутемылъыжьыр компьютерым къыгъэлъэгъощт.

Сомэ мин  500-м ехъу аратыжьыгъ

Хьыкум приставхэм яотделэу Тэхъутэмыкъое районым щыIэм икъулыкъушIэхэм щытхъу хэлъэу япшъэрылъхэр зэрагъэцэкIагъэхэм ишIуагъэкIэ, псэолъэшI фирмэм Iоф щызышIэрэ нэбгырэ 11-мэ арамытыжьыщтыгъэ ялэжьапкIэу сомэ мин 500-м ехъур афызэкIагъэкIожьыгъ.

ЛэжьапкIэр цIыфхэм ятыжьыгъэн зэрэфаем фэгъэхьыгъэ унашъо хьыкумым зешIым ыуж фирмэм ипащэ дэжь хьыкум приставхэр къэкIуагъэх ыкIи ащ ылъэныкъокIэ Iоф къызэрэзэIуахыгъэр, къытефэрэр зимыгъэцакIэкIэ уголовнэ пшъэдэкIыжь зэрэрагъэхьыщтыр гурагъэIуагъ. Предприятием ипащэ бэрэ емыгупшысэу цIыфхэм ялэжьапкIэ аритыжьыгъ, хьыкумым иунашъо ыгъэцэкIагъ.

 Хьыкум приставхэм

 я Федеральнэ къулыкъу

и ГъэIорышIапIэу

Адыгэ Республикэм щыIэм

ипресс-къулыкъу.