Къахагъэщыгъэхэм ащыщ

Мэлылъфэгъум и 21-м къыщегъэжьагъэу жъоныгъуакIэм и 15-м нэс Ермэлхьаблэ дэт къэралыгъо кIэлэегъэджэ университетым шъолъыр зэнэкъокъоу «Шаг в профессию» зыфиIорэр щыкIуагъ. Ащ хэлэжьагъ ыкIи зэрифэшъуашэу зыкъыщигъэлъэгъуагъ Мыекъопэ къэралыгъо технологическэ университетым гъэIорышIэнымкIэ ифакультет щеджэрэ Надежда Жуковам.

img_8877Зэнэкъокъум зэкIэмкIи темыр кавказым ыкIи Къыблэ федеральнэ шъолъырым къарыкIыгъэ студент 400 фэдиз хэлэжьагъ.

Зэнэкъокъур уцугъуищэу гощыгъагъ. Апэ студентхэм афэгъэхьыгъэ къэбархэр, лъэныкъо зэфэшъхьафхэмкIэ гъэхъагъэу яIэхэр зыдэлъ портфолиохэр къагъэлъэгъуагъэх. ЯтIонэрэ уцугъом къыдилъытэщтыгъэ «Слово о профессии» зыфиIорэ видеотехыгъэу къагъэхьазырыгъэм икъэгъэлъэгъон. Нэбгы-рэ пэпчъ сэнэхьатэу къыхихыгъэм игъэкIотыгъэу къытегущыIагъ.

Ящэнэрэ уцугъом шIэныгъэм, гъэсэныгъэм япхыгъэ Iофтхьабзэхэр ежь-ежьырэу зэрэзэхащэхэрэр къагъэлъэгъуагъ.

Зэнэкъокъум изэфэхьысыжьхэр жъоныгъуакIэм и 31-м Ермэлхьаблэ дэт къэралыгъо кIэлэегъэджэ университе-тым къыщаIуагъэх. Мыекъуапэ икIыгъэ Надеждэ ятIонэрэ чIыпIэр къыдихыгъ ыкIи ятIонэрэ степень зиIэ дипломымрэ шIухьафтынрэ къыфагъэшъошагъ. Мыекъопэ къэралыгъо технологическэ университетым социальнэ предпринимательствэмкIэ иеджапIэ ипащэу Светлана Новиковам пшъашъэр ыгъэхьазырыгъ. Ащ зэрэфэразэхэр къэзыушыхьатырэ тхылъыр къыратыгъ.

(Тикорр).