Республикэм фегъэхьы

ТелефонкIэ къатыгъ. Европэм дзюдомкIэ изэIухыгъэ турнир Испанием щыкIуагъ. Урысыем ихэшыпыкIыгъэ командэ хэтэу ШъэоцIыкIу Рустам зэIукIэгъухэм ахэлэжьагъ.

DSC_0615Адыгэ Республикэм дзюдомкIэ икIэлэ­цIыкIу-ныбжьыкIэ спорт еджапIэу Кобл Якъубэ ыцIэ зыхьырэм зыщызыгъэ­сэрэ ШъэоцIыкIу Рустам килограмм 73-м нэс къэзыщэчырэмэ ябэныгъ.  Литвам, Вели­кобританием, Португалием, Азербай­джан, Урысыем яспортсменхэм атекIуи, ды­шъэ медалыр къыфагъэшъошагъ. Нарт шъаор тренер-кIэлэегъаджэу Беданэкъо Рэмэ­зан зэнэкъокъум фигъэхьазырыгъ.

ШъэоцIыкIу Рустам Джыракъые ща­пIугъ, Урысыем ичемпион, Дунэе турнир­хэм хагъэунэфыкIырэ чIыпIэхэр къащы­дихыгъэх. Европэм и Кубок фэбанэзэ дышъэ медалэу къыфагъэшъошагъэр Адыгэ Республикэм ия 25-рэ илъэс фе­гъэхьы.

Опсэу, Рустам! Уимедальхэм ахэбгъэхъонэу, уигухэлъышIухэр къыбдэхъун­хэу пфэтэIо.

Сурэтым итыр: ШъэоцIыкIу Рустам.