ЛъэIу тхылъ минищ фэдиз къатыгъ

Тызхэт илъэсыр къызихьагъэм къыщыублагъэу Iоф зэрамышIэжьырэм ехьылIэгъэ лъэIу тхылъхэр пенсионер нэбгырэ 2966-мэ ПенсиехэмкIэ фондым ичIыпIэ къулыкъухэм къаратыгъ.

Шъугу къэтэгъэкIыжьы пен­сиехэм яхьылIэгъэ хэбзэгъэуцугъэм зэхъокIыныгъэу фашIыгъэхэм ате­гъэпсыкIыгъэу а шапхъэр икIыгъэ илъэсым ыкIэхэм адэжь щыIэ зэрэхъугъэр. ЗэхъокIыныгъэхэм зэ­рагъэнафэрэмкIэ, 2016-рэ илъэсым ашIыгъэ пенсие индексацием къыхиубытэхэрэр Iоф зымы­шIэхэрэ пенсионерхэм ястраховой пенсиехэр арых ныIэп. Ащ фэдэкIэ алъытагъэх 2015-рэ илъэ­сым иIоныгъо и 30-м ехъулIэу Iоф зымышIэщтыгъэхэ пенсио­нерхэр.

ЗыгорэкIэ пенсионерым 2015-рэ илъэсым ичъэпыогъу и 1-м къыщыублагъэу 2016-рэ илъэсым игъэтхапэ и 31-м нэсырэ пIалъэм къыхиубытэу IофшIэныр зэпигъэ­ужьыгъэмэ, 2016-рэ илъэ­сым ижъоныгъуакIэ и 31-м шIо­мыкIэу Iоф зэримышIэжьырэм ехьылIэгъэ лъэIу тхылърэ Iоф зэ­римышIэжьырэр къэзыушыхьатырэ тхылъымрэ ПенсиехэмкIэ фондым икъулыкъу ритынхэ фае. Нэужым къыкIэлъыкIорэ мазэм къыщыублагъэу пенсионерым пенсиер къыраты индексациер къыдыхэ­лъытагъэу.

2016-рэ илъэсым игъэтхапэ и 31-м ыуж IофшIэныр зыгъэтIы­лъы­жьыгъэ пенсионерхэм лъэIу тхылъ атынэу ищыкIагъэп мы илъэсым иятIонэрэ квартал къыщыублагъэу IофшIапIэхэм отчетхэр къызэрыкIо шIыкIэм тетэу атыхэу зэраублэщтым къы­хэкIэу.

ПенсиехэмкIэ фондым
и Къутамэу
Адыгэ Республикэм щыIэм ипресскъулыкъу.