ТелефонкIэ къатыгъ. Урысые Федерацием пляжнэ гандболымкIэ изэнэкъокъоу Волгоград щыкIуагъэм Мыекъуапэ икомандэ хэлэжьагъ. 2000 — 2001-рэ илъэсхэм къэхъугъэ пшъашъэхэр зэдешIагъэх.
Тренер-кIэлэегъаджэу Валерий Гончар зипэщэ мыекъопэ пшъашъэхэм я 4-рэ чIыпIэр къыдахыгъ. Волгоград икомандэ дышъэ медальхэр фагъэшъошагъэх. Краснодар краир ятIонэрэ хъугъэ. Ростов-на-Дону, Тольятти, нэмыкI къалэхэм япшъашъэхэр тикомандэ ыуж къинагъэх.