Мыекъуапэ икIэлэцIыкIу IыгъыпIэу N 22-м къекIолIэрэ сабый нахь такъырхэр федеральнэ къэралыгъо учреждениеу «Федеральнэ мэшIогъэкIосэ къулыкъум Адыгэ РеспубликэмкIэ иапэрэ отряд» ичастэу N 1-м бэмышIэу ащэгъагъэх.
МэшIогъэкIуасэхэм кIэлэцIыкIухэм къафаIотагъ машIом зызэрэщаухъумэн, ащ зыкъызиштэкIэ зэрэзекIонхэ фаер, Iэмэ-псымэу, машинэу агъэфедэхэрэр къарагъэлъэгъугъэх.
Iофтхьабзэм икIэухым мэ-шIогъэкIуасэхэм аготхэу кIэлэ-цIыкIухэм сурэт атырахыгъ. Алъэгъурэ пстэури зэрашIогъэшIэгъоныр къыхэщэу ахэр чэфэу сурэтым къикIыгъэх.
МашIом зыкъиштагъэу зышъулъэгъукIэ, телефонэу 01-мкIэ псынкIэу мэшIогъэкIосэ къулыкъум шъутеуи, тхьамыкIагъор къызыщыхъугъэ чIыпIэр тэрэзэу яшъуIу. МэшIогъэкIуасэхэр къэсыфэхэ цIыфхэм ягъэкощынкIэ ыкIи машIор гъэкIосэжьыгъэнымкIэ шъуфэлъэкIыщтыр зэкIэ шъушIэ. МашIом зыкъимыштэным епхыгъэ IофыгъохэмкIэ Урысыем и МЧС Адыгэ РеспубликэмкIэ ицыхьэшIэгъу телефонэу 56-80-78-мкIэ е Къыблэ шъолъыр гупчэм (къ. Ростов-на-Дону) ицыхьэшIэгъу телефонэу 8-863-240-66-10-мкIэ шъуатеон шъулъэкIыщт.
Къалэу МыекъуапэкIэ ыкIи Мыекъопэ районымкIэ мэшIогъэкIосэ къулыкъум иIофышIэу, хэгъэгу кIоцI къулыкъум икапитанэу
Р.А. Кушъу