КIэлэцIыкIухэр машIом щытэжъугъэухъумэх

ЗыгорэкIэ машIом ошIэ-дэмышIэу унэм зыкъыщи­штэмэ, кIэлэцIыкIухэми зэрэзекIощтхэ шIыкIэр ашIэн фае. МашIор мыинмэ, ежь-ежьырэу ыгъэ­кIо­сэн ылъэкIыщт чыхIэн е хъэдэн шынэ ащ тыридзэмэ. Ау машIор мыкIуасэмэ, псынкIэу унэм къикIын фае.

pojar_podjezdnoi41МэшIогъэкIуасэхэм укъяджэным ыпэкIэ унэм укъикIын фае. Ащ пае хъэдэн шынэ ппэрэ ужэрэ аIуплъхьан, упшызэ унэм укъызэрикIыщтым ыуж уитын фае. Лифтым уимытIысхьэмэ нахьышIу, сыда пIомэ ар къэуцун ылъэкIыщт. Нэужым нахьыжъхэм ащыщ горэм (гъунэ­гъухэр арыми) укъеджэнышъ, мэшIогъэкIосэ къулыкъум ителефонэу 010-мкIэ утеон фае.

Мы номерыр, IэпыIэгъу псынкIэм инэмыкI къулыкъухэм яномерхэм афэдэу, ­хэтрэ кIэлэцIыкIуи езбырэу ышIэ­мэ, ишIуагъэ къекIыжьыщт. Мэ­шIо­гъэкIосэ къулыкъум­ иде­­журнэ епIон фае узщыпсэурэ чIыпIэр, къатэу узытесыр, плъэкъуацIэ ыкIи къызкIэнагъэу стырэр.

Унэр къызибгынэрэ нэужым кIэлэцIыкIур щагум мэшIогъэ­кIуасэхэм щяжэн фае. Зыго­рэкIэ унэм къикIын амал имыIэ хъумэ, ежь-ежьырэу теле­фо­нымкIэ мэшIогъэкIуасэхэм къя­джэн ылъэкIыным фэгъэсэ­гъэн фае.

Джащ фэдэу телефонымкIэ гъунэгъухэм е ны-тыхэм афытеомэ нахьышIу. Сабыйхэм лъэ­шэу ящыкIагъэх мэшIогъэ­кIо­сэным епхыгъэ шIэныгъэу щы­Iэхэр. Илъэси 3 — 4 зыныбжьхэм а лъэныкъомкIэ ашIэн фае­хэр агурыбгъаIохэмэ, яшIуагъэ къякIыжьыщт. Мыщ дэжьым джэгукIэ, сурэт, усэ цIыкIу зэ­фэшъхьафхэр бгъэфедэнхэ плъэкIыщт.

Р. А. Кушъу.

Урысыем ошIэдэмышIэ Iоф­хэмкIэ и Министерствэ и ГъэIорышIапIэу Адыгэ Республикэм щыIэм иIо­фышI, хэгъэгу кIоцI къулы­къумкIэ капитан.