ЗэIукIэгъуитIу къыфэнагъэр

«Зэкъошныгъ» Мыекъуапэ — «Мэщыкъу» Пятигорск — 2:3.

ЖъоныгъуакIэм и 17-м Мыекъуапэ  щызэIукIагъэх.

Зезыщагъэхэр: М. Шутов — Новочеркасск, А. Гурбанов, В. Дорошенко — Краснодар.

«Зэкъошныгъ»: Шэуджэн, Абазэ, Поликутин, Мыкъо Мурат (Бугулов, 83), Ахмедханов, Джамилов (Датхъужъ, 57), Къэжьар, Такълый, Делэкъу (Маренич, 75), Мэщыкъу, Кавтарадзе (Быдэ, 85).

Къэлапчъэм Iэгуаор дэзыдзагъэхэр: Ахмедханов — 45 (пе­нальтикIэ), Къэжьар — 90, «Зэкъошныгъ». Наталич — 51, Алиев — 54, 79 — «Мэщыкъу». Я 27-рэ такъикъым Джа­тиевым пенальтир дидзагъэп — «Мэщыкъу».

Cудьям иунашъо демыгъа­штэу узыщызэнэкъокъун плъэкIыщт пе­нальтир Д. Джатиевым зегъэ­ца­кIэм, лъэшэу Iэгуаом еуагъ, ау тикъэлэпчъэIутэу Б. Шэуджэ­ным шIокIын ылъэкIыгъэп. Борисэ зидзи, Iэгуаор къыгъэлъэ­тэжьыгъ.

Р. Ахмедхановым «Мэщы­къом» икъэлэпчъэIутэу Ю. Шлеевыр ыгъэплъэхъуи, пенальтикIэ хъа­гъэм Iэгуаор ридзагъ. «Зэкъошныгъэм» текIоныгъэр къыдихы­щтэу тыгугъэзэ, тиухъумакIохэр дысэу хэукъохэу аублагъ. Ар хьа­кIэмэ агъэфеди, гъогогъуитIо «Зэкъошныгъэм» икъэлапчъэ Iэ­гуаор къыдадзагъ. ШъхьэкIэ хъа­гъэм Iэгуаор къизыгъэфагъэр «Зэ­къошныгъэм» нахьыпэкIэ ще­шIэщтыгъэ Е. Галич ары.

ЕшIэгъур кIэухым фэкIуагъэу хьакIэхэм якъэлэпчъэIутрэ ухъу­макIохэмрэ зэрэзэгурымыIуа­гъэ­хэр Н. Къэжьарэм ыгъэфеди, Iэгуаор къаIэкIихыгъ, къэлэ­пчъэ нэкIым изакъоу зекIум, шъабэу хъагъэм ридзагъ.

Хь. Мэщыкъор, Р. Делэ­къор, Н. Къэжьарэр, нэмыкIхэри апэкIэ зэрилъыщтыгъэхэр къыхэтэгъэщы, ау «Мэщыкъом» икъэлэпчъэ­Iут лъэшэу агъэгумэкIэу бэрэ къы­хэкIыгъэп. ТекIоныгъэр зэрэ­тшIуахьыгъэр тиухъумакIохэм язэ­гурымыIоныгъэ къыпкъырыкIыгъ.

Пресс-зэIукIэр

«Зэкъошныгъэм» итренер шъхьа­Iэу Чэгъэдыу Бибэрт къы­зэриIуагъэу, унашъоу тифутболистмэ афишIыгъэр икъоу агъэ­цэкIагъэп, Р. Алиевым лъыплъа­гъэхэп, гуфитэу тикъэлапчъэ къыдагъаощтыгъ.

Футбол зэIукIэгъум Премьер-министрэу КъумпIыл Муратэ еплъыгъ. Спортым иIофышIэхэм, «Зэкъошныгъэм» ипащэхэм гу­щыIэгъу афэхъугъ.

Я 24-рэ ешIэгъухэр

«Динамо» — «Астрахань» — 2:0, МИТОС — «Краснодар-2» — 1:5, «Спартак» — «Афыпс» — 0:0, «Черноморец» — «Терек-2» — 1:0, СКА — «Алания» — 3:1, «Ангушт» — «Биолог» — тыгъуасэ ешIагъэх.

ЧIыпIэхэр

  1. «Спартак» — 57
  2. «Афыпс» — 46
  3. «Краснодар-2» — 44
  4. «Черноморец» — 44
  5. СКА — 35
  6. «Мэщыкъу» — 34
  7. «Ангушт» — 34
  8. «Динамо» — 32
  9. «Терек-2» — 28
  10. «Биолог» — 24
  11. МИТОС — 23
  12. «Астрахань» — 21
  13. «Зэкъошныгъ» — 20
  14. «Алания» — 19.

ЖъоныгъуакIэм и 24-м «Зэ­къошныгъэр» «Аланием» Мые­къуапэ щыIукIэщт, и 30-м Ново­российскэ щешIэщт, 2015 — 2016-рэ илъэс зэнэкъокъур ыухыщт.