ТекIоныгъэм и МафэкIэ Урысыем хэгъэгу кIоцI IофхэмкIэ иорганхэм яветеранэу Станислав Коваленкэм фэгушIонхэу ыдэжь къэралыгъо автоинспекторхэр кIогъагъэх.
АР-м хэгъэгу кIоцI IофхэмкIэ и Министерствэ гъогурыкIоныр щынэгъончъэнымкIэ и Къэралыгъо автоинспекцие и ГъэIорышIапIэ ипащэ игуадзэу Гусэрыкъо Рамзинрэ ихэушъхьафыкIыгъэ батальон икомандирэу Чэтыхъу Руслъанрэ мэфэкIышхомкIэ ветераным фэгушIуагъэх.
Станислав Иосиф ыкъорэ ишъхьэгъусэрэ нэгушIохэу хьакIэхэм къапэгъокIыгъэх, анаIэ къызэратетыр, мы мафэм ар зэращымыгъупшэрэр зэрягуапэр нэбгыритIум къыхагъэщыгъ.