ЯшIэжь агъэлъэпIагъ

ГъогурыкIоныр щынэ­гъон­чъэнымкIэ Къэралыгъо ­автоинспекцием истационар постэу Тэхъутэмыкъое районым ит поселкэу Инэм дэжь щытым 1998-рэ илъэсым къулыкъур щызыхьы­щтыгъэ нэбгыри 4 бзэджа­шIэхэм щаукIыгъагъ: милицием истаршэ сержантхэу Батмэн ХьакIзэф ыкIи ЛIыIужъу Руслъан, сержантэу Гъомлэшк Нурдин, младшэ сержантэу Хьа­кIэко Джанхъот.

IMG_2314-800x600Хабзэ зэрэхъугъэу, АР-м хэ­гъэгу кIоцI IофхэмкIэ и Минис­терствэ иIофышIэхэр мыхэр зы­щыфэхыгъэ мафэм тефэу а чIыпIэм макIох.

ЖъоныгъуакIэм и 1-м ащ щыкIогъэ шъыгъо зэхахьэм хэ­лэжьагъэх министрэу Александр Речицкэр, ГИБДД-м и ГъэIорышIапIэ ипащэу Александр Курпас, къулыкъушIэхэм Iоф адэшIэгъэнымкIэ ГъэIоры­шIапIэм ипащэу Александр Ер­миловыр, МВД-м иотделэу Тэ­хъутэмыкъое районым щыIэм, администрацием яIофышIэхэр, динлэжьхэр.

Зэпэуцужьым хэкIодэгъэ къулыкъушIэхэм такъикърэ зэ­рафэшъыгъуагъэхэмкIэ Iофтхьа­бзэр рагъэжьагъ. Нэужым ми­нистрэу Александр Речицкэм къэзэрэугъоигъэхэм закъыфи­гъэзагъ.

— КIэлэцIыкIоу къакIэныгъэ­хэм — ятэ, нэу къэнагъэхэм — акъо зыми афызэблихъун ылъэкIыщтэп, — къыIуагъ ащ. — Ау правэухъумакIохэм яха­бзэп яныбджэгъоу къиныгъо ­хэфагъэр къызэранэкIэу. Ти­пшъэ­рылъ шъхьаIэхэм ащыщ иIоф­шIэн ыгъэцакIэзэ фэхыгъэ къу­лыкъушIэхэм яунагъохэр зыщытымыгъэгъупшэнхэр, тынаIэ ренэу тедгъэтыныр, къэтыухъу­мэнхэр.

Тиныбджэгъоу къытхэтыгъэхэм яшIэжь дгъэлъэпIэным мэ­хьанэ иI. ШIэжьыр щэIэфэ фэдэ тхьамыкIагъохэр къызэрэмыхъущтхэм тицыхьэ телъ. Мамырныгъэр ыкIи рэхьатны­гъэр тиIэным фэбанэхэзэ зыпсэ зы­гъэтIылъыгъэхэм ялIыхъужъ­ны­гъэ ащымыгъупшэным тапэкIи ыуж титыщт.

image-01-05-16-11-29-12Шъыгъо зэхахьэм икIэухым къулыкъушIэу фэхыгъэхэм къа­фызэIуахыгъэ мыжъобгъум къэ­гъагъэхэр кIэралъхьагъэх.

(Тикорр.).