Шапхъэхэр шъумыукъох

ЖъоныгъуакIэм къыщегъэжьагъэу чъэпыогъум нэс Урысыем и МЧС Адыгэ Респуб­ликэмкIэ и ГъэIорышIэпIэ шъхьаIэ «Гъэмаф» зыфиIорэ Iофтхьабзэхэр илъэс къэс зэхещэх.

Ащ фэдэ лъэхъаным машIор уцыжъ гъугъэхэм, чъыгхэм, пкIашъэхэм, хэкI­хэм бэрэ къакIанэу къы­хэкIы, псэупIэхэм ащ фэдэ тхьамыкIагъор алъыIэ­сыным ищынагъо щыIэ мэхъу.

Урысыем и МЧС ­Адыгэ РеспубликэмкIэ и ГъэIо­рышIэпIэ шъхьаIэ унэе унэхэр зиIэхэм агу къе­гъэкIыжьы машIом зы­къымыштэнымкIэ шапхъэу Урысые Федерацием и Правительствэ 2012-рэ илъэсым мэлылъфэгъум и 25-м ышIыгъэ унашъоу N 390-р зытетымкIэ аухэсыгъэхэр дэх имыIэу агъэ­цэкIэнхэ зэрэфаер.

Унэе унэхэр, ­чъыгхэтэ лэжьыпIэхэр зиIэхэм, дачэ мыкоммерческэ объ­единениехэм ахэтхэм зыщагъэгъупшэ хъущтэп псы зэрыт шъондырхэр, машIор зэрагъэкIосэрэ пкъы­гъохэр зэряIэнхэ фаер.

Газ хьакум пашIэрэ баллоныр заводым къыди­гъэ­кIыгъэу щытын, унэ ихьа­пIэм метри 5 нахь мы­ма­кIэу пэIудзыгъэу ар пы­шIыкIым чIэтын (шкафхэм адэтын е баллоным ышъхьагърэ редукторымрэ ухъумагъэхэу щытынхэ) фае. Газ баллонхэр зычIэт пышIыкIым (зыдэт шкафхэм) IункIыбзэ аIу­лъын, гущыIэхэу «Шъу­сакъ! Газ!» зыфиIохэрэр атетхэгъэн фае.

Газ баллонхэр зыща­гъэфедэрэ унэе унэхэм, нэмыкI унэхэм, псэуалъэ­хэм яихьапIэ дэжь тамы­гъэ гъэнэфагъэ палъэн, цIыфхэм сакъыныгъэ къызхагъэфэным къыфэджэрэ гущыIэхэр тетынхэ фае.

Газыр къадэкIэу е нэ­мыкI щыкIагъэхэр яIэхэу газ хьакухэр агъэфедэхэ, ауплъэкIунхэм пае сырнычхэр, зажигалкэхэр, шэф остыгъэхэр ахэм арахьылIэ хъущтэп. Псэуалъэхэм метрэ 50-кIэ апэIумы­дзы­гъэу пыдзафэхэр, къэмланхэр ыкIи нэмыкI пкъы­гъохэр агъэстыхэ хъу­щтэп.

Адыгэ Республикэм щы­псэухэу лъытэныгъэ зыфэтшIы­хэ­рэр, шъушъхьи, нэ­мыкI цIыфхэми, шъу­къэзыуцухьэрэ дунайми шъуафэсакъ!

ЗыгорэкIэ машIом зы­къыштагъэу шъузырихьы­лIэкIэ, телефонэу 01-мкIэ мэшIогъэкIосэ къулыкъум шъутеуи, тхьамыкIагъор къызыщыхъугъэ чIыпIэр тэ­рэзэу яшъуIу. МэшIогъэ­кIуасэхэр къэсыфэхэ нэс цIыфхэм ягъэкощынкIэ, машIом игъэкIосэнкIэ шъуфэлъэкIыщтыр зэкIэ шъушIэ.

МашIом зыщыухъумэ­гъэным епхыгъэ Iофыгъо­хэмкIэ Урысые Федерацием и МЧС Адыгэ Рес­публикэмкIэ ицыхьэшIэгъу телефонэу 56-80-78-м е Къыблэ шъолъыр гупчэм (къалэу Ростов-на-Дону) ицыхьэшIэгъу телефонэу 8-863-240-66-10-м шъуафытеон шъулъэкIыщт.

МашIом зыкъымы­­штэ­нымкIэ къалэу ­Мыекъуапэ икъэралыгъо инспекторэу
С. С. Давыдов.