ЦIыфхэр ригъэблэгъэщтых

ЫпкIэ хэмылъэу цIыфхэм правовой лъэныкъомкIэ Iэпы­Iэгъу ятыгъэным тегъэпсыхьа­гъэу Адыгэ Республикэм и Кон­ституционнэ Хьыкум 2016-рэ илъэсым жъоныгъуакIэм и 25-м сыхьатыр 10-м къыщегъэжьагъэу сыхьатыр 13-м нэс цIыфхэр ри­гъэблэгъэщтых.

Мы Iофтхьабзэм хэлэжьэщтых Адыгэ Республикэм и Кон­ституционнэ Хьыкум и Тхьама­тэу А.Къ. ЛIыхьэтыкъор, Адыгэ Республикэм цIыфым ифитыны­гъэхэмкIэ и Уполномоченнэу А.Я. Осокиныр, предприниматель­хэм яфитыныгъэхэр къэухъумэ­гъэнхэмкIэ Адыгэ Республикэм и Уполномоченнэу В.Хь. Зэфэ­сыр, кIэлэцIыкIум ифитыныгъэхэ­м­кIэ Адыгэ Республикэм и Уполномоченнэу А.Б. Ивашиныр.

Адыгеим щыпсэухэрэм Конституцием къыдилъытэрэ фитыныгъэу ыкIи шъхьафитыныгъэу яIэхэр зэраукъохэрэм (мыщ къы­хеубытэх къэралыгъо хабзэм икъулыкъухэр е пэщэ Iэна­тIэхэр ахэм ащызыIыгъхэр) япхыгъэ упчIэхэр мыщ къыща­Iэтын алъэкIыщт.

ЦIыфхэр чIыпIэу зыщырагъэб­лэгъэщтхэр: къ. Мыекъуапэ, ур. Советскэр, 217, зэхэсы­гъо­хэр зыщыкIохэрэ залыр.

Ащ нэмыкIэу мыщ фэдэ ад­ре­сымкIэ электроннэ почтэм ялъэIу тхылъ фагъэхьын алъэ­кIыщт: ksra01amaiI.ru, е Хьыку­мым иразделэу «Электроннэ приемнэр» зыфиIоу официальнэ Интернет-сайтым щыIэм ра­дзэн алъэкIыщт.