КIэлэцIыкIухэм язэнэкъокъоу «ШIушIэ тамыгъэр нэгушIоу» зыфиIорэр машинэ зезыфэрэ пстэуми афэгъэхьыгъагъ. Мыщ хэлэжьагъэх Адыгэ республикэ гимназием ия 3-рэ «Б» класс икIэлэеджакIохэр. Шъхьадж исурэт нахь чэфэу, гушIубзыоу зэ-ришIыщтым пылъыгъ, нахьыжъхэм афэгъэзэгъэ гущыIэ фабэхэри ащ игъусагъэх.
Водитель пстэуми ащ фэдэ шIушIэ тамыгъэхэр афэмыхъущтхэми, ар зэратыгъэ нэбгырэ пэпчъ гъогум лъытэныгъэ нахь къызыщыхигъэфэщт.
КIэлэеджакIохэм яIофшIэгъэ анахь дэгъухэр а 1-рэ, я 2-рэ ыкIи я 3-рэ степень зиIэ дипломхэмкIэ къыхагъэщыгъэх, джащ фэдэу къэнэфырэ пкъыгъо зэфэшъхьафхэр шIухьафтынэу аратыгъэх. Зы IофшIагъэ анаIэ тырамыдзэу къагъэнагъэп. ЗэкIэ кIэлэцIыкIухэм гъогурыкIоным ишапхъэхэр къизыIотыкIырэ шIухьафтын цIыкIухэр афагъэшъошагъэх.