МэфэкIыр зэрэхагъэунэфыкIыщтыр

Мы мэфэкIым фэгъэхьыгъэ Iотфхьабзэхэр Урысыем ишъолъыр пстэуми ащыкIощтых. Хабзэ зэрэхъугъэу, Адыгэ Республикэри ащ чанэу ахэлэжьэщт.

МэфэкIым фэгъэхьыгъэ Iофтхьабзэхэу Мые­къуапэ щызэхащэщтхэм ащыщхэу къэлэ гупчэ паркым щыкIощтхэм нэIуасэ шъуафэтэшIы:

Гъэтхапэм и 1-м сыхьатыр 10.00-м къыще­гъэжьагъэу 18.00-м нэс Iэпэщысэхэр зышIыхэрэм якъэгъэлъэгъонэу «Мастерхэм якъал», сыхьатыр 11.00 — 12.00-м — АР-м ипрофсоюзхэм я Федерацие кIэщакIо зыфэхъугъэ концерт программэу «Гъатхэмрэ IофшIэнымрэ я Маф», сыхьатыр 12.00 — 14.00-м — кIэлэцIыкIухэм афэ­гъэхьыгъэ программэу «Тыгъэжъыем ыуж тит», 13.00 — 14.00-м — мастер-классэу «Жъо­ныгъокIэ Iэрам», сыхьатыр 14.00 — 16.00-м — искусствэхэмкIэ кIэлэцIыкIу еджапIэу N 1-м икIэлэеджакIохэм яконцерт, сыхьатыр 16.00 — 17.00-м — къашъохэмкIэ еджапIэу «Империя» зыфиIорэм иконцерт программэу «Орэдымрэ къашъомрэ акIэдэIукI», сыхьатыр 17.00 — 19.00-м — студиеу «Пластилиным» ипрограммэу «Гъатхэм тыпэгъокIы», сыхьатыр 17.00 — 21.00-м — муниципальнэ духовой оркестрэр зикIэщэкIо программэр.

Гъэтхапэм и 2-м пчэдыжьым сыхьатыр 10-м щегъэжьагъэу пчыхьэм сыхьатыр 6-м нэс Iэ­пэщысэхэр зышIыхэрэм якъэгъэлъэгъон, мафэм сыхьатыр 12 — 14-м кIэлэцIыкIухэм апае программэ зэфэшъхьафхэр, пчыхьэм сыхьатыр 7-м щыублагъэу 9-м нэс программэу «Гъатхэм имэкъамэхэр» зыфиIохэрэр кIощтых.

Гъэтхапэм и 3-м пчэдыжьым сыхьатыр 10-м щыублагъэу пчыхьэм 9-м нэс Iофтхьэбзэ заулэ зэхащэщт, къэгъэлъэгъонхэм адакIоу, цIыф­хэм, сабыйхэм зызщагъэпсэфын алъэкIыщт программэхэр ахэм къадыхэлъытэгъэщтых.