ЕгъашIэм тыгу илъыщтых!

Урысые Iофтхьабзэу «ЕгъашIэм щыIэщт полкыр» зыфиIоу Хэгъэгу зэошхом ТекIоныгъэр къызщы­дахыгъэр илъэс 71-рэ зэрэхъурэм фэгъэхьыгъэм Адыгеим щыпсэухэрэр хэлэжьэщтых.

DSC_0658Мы патриотическэ Iофтхьа­бзэм имурадыр заом хэлэжьа­гъэ е хэкIодагъэ пэпчъ ишIэжь къэнэныр ыкIи къыткIэхъухьэрэ лIэужхэм ар лъагъэкIотэныр ары.

Iофтхьабзэм изэхэщакIор ыкIи пхырызыщырэр Урысые движениеу «ЕгъашIэм щыIэщт полкыр» зыфиIорэм ишъо­лъыр штаб, ащ ипащэр запасым щыIэ майорэу, муниципальнэ обра­зованиеу «Къалэу ­Мыекъуа­пэ» и Общественнэ палатэ ыкIи «Афган заом иветеранхэм я Союз» и Адыгэ республикэ къу­тамэ ахэтэу Хъут ­Руслъан.

— Адыгеим ит ветеран организациехэм ягукъэкIыкIэ штабыр зэхащагъ, — къеIуатэ Хъут Руслъан. — Пшъэрылъ шъхьаIэу тиIэхэм зэу ащыщ — ти­зэолI­хэм лIыхъужъныгъэу зэрахьагъэр цIыфхэм ащымыгъэ­гъупшэгъэныр, ар ягъэшIэ­гъэ­ныр. Мы Iофтхьабзэм ишIуа­гъэкIэ унэгъуабэ ятарихъ фы­зэплъэкIыжьыгъ, ятэжъ пIа­шъэ­хэм къакIугъэ зэо гъогухэр зэ­рагъэшIагъ. Джыдэдэм Урысыем ирегион 49-мэ «ЕгъашIэм щыIэщт полкыр» зыфи­Iо­рэм ишъолъыр штабхэр ащызэхэщагъэх. ЖъоныгъуакIэм и 9-м зэхэт купхэр урамхэм къызэрарыкIощтхэр зэрэзэхатщэрэм имызакъоу, патриотическэ IофшIэныр тэгъэцакIэ, заом хэкIодагъэхэм ыкIи къэзыгъэзэжьыгъэхэм якъэбар зэ­рагъэхьэрэ базэр дгъэпсыгъэ. ИIахьыл заом зэрэхэкIодагъэр ышIэу, ау зыщагъэтIылъыгъэм щымыгъуазэхэм мыщ ишIуа­гъэкIэ а чIыпIэр къагъотыжьэу къыхэкIы.

1459916111_r7dqrwkyotyМыекъуапэ ыкIи районхэм ащыпсэухэрэм штабым закъы­фегъазэ: шъуиунэгъо хъарзынэщхэр къэшъуIэтыжьых, шъуи­Iахьылхэм якъэбар дунаим щы­зэхяжъугъэх, ясурэтхэр, язэо письмэхэр яжъугъэлъэгъух. А зэпстэур мы Интернет нэкIу­бгъом ижъугъэхьан ыкIи шъуе­джэн шъулъэкIыщт: region01­@polkrf.ru.

Джыри зэ шъугу къэтэ­гъэ­кIыжьы, жъоныгъуакIэм и 9-м «ЕгъашIэм щыIэщт полкыр» зыфиIорэ Iофтхьабзэм шIоигъоныгъэ зиIэ пстэури хэ­лэжьэн ылъэкIыщт. Ащ ищы­кIагъэр уиIахьылэу заом хэлэжьагъэм исурэт, ащ ыцIэ, ылъэкъуацIэ, ятэ ыцIэ, званиеу иIагъэр, къызщыхъугъэр зы­тетхэгъэхэ транспорантыр пIы­гъэу Лениным ыцIэ зы­хьырэ пчэгум сыхьатыр 12-м ехъу­лIэу укъекIолIэныр ары. А чIы­пIэм щызэрэугъоигъэхэр зэкIэ зэхэтхэу къэлэ паркым нэс кIощтых.

Iэшъынэ Сусан.