НыбжьыкIэхэм яушэтыпI

Къоджэ спортым изыкъегъэIэтын пылъыгъэ Дзэгъэщтэ Хьаджэбый фэгъэхьыгъэ шIэжь зэнэкъокъур атлетикэ онтэгъумкIэ Кощхьаблэ гъэшIэгъонэу щыкIуагъ. Республикэм ибатырхэм кIуачIэр, къулайныгъэр зэрапсыхьэхэрэр щылычым ебэныхэзэ къагъэлъэгъуагъ.

Яонтэгъугъэхэм ялъытыгъэу апэрэ чIыпIэхэр къыдэзыхыгъэхэм шъуащытэгъэгъуазэ. Гъыщ Зураб, кг 56-рэ, Цышэ Мурат, кг 62-рэ, Выкъэ Рэмэзан, кг 69-рэ, Кобэщыч Аслъан, кг 77-рэ, Рудольф Клат, кг 85-рэ, ДышъэкI Налбый, кг 94-рэ, ШхончыбэшIэ Руслъан, кг 105-рэ, Шъэожъ Алый, кг 105-м къехъу.

 ХагъэунэфыкIырэ чIыпIэхэр къыдэзыхыгъэхэм щытхъу тхылъхэр, шIухьафтынхэр аратыгъэх.

Адыгэ Республикэм атлетикэ онтэгъумкIэ икIэлэцIыкIу-ныбжьыкIэ спорт еджапIэ ипащэу Сихъу Рэмэзанэ зэрилъытэрэмкIэ, ащ фэдэ зэIукIэгъухэм яшIуагъэкIэ къоджэ спортым зыкъеIэты, псауныгъэм игъэпытэн пылъхэм япчъагъэ хэпшIыкIэу хэхъо.