Урысые Интернет-Iофтхьабзэу «Добрый знак» зыфиIорэр Адыгэ Республикэм щылъагъэкIуатэ. ГъогурыкIоныр щынэгъончъэнымкIэ Къэралыгъо автоинспекцием икъулыкъушIэхэм еджапIэхэм ащызэхащэрэ зэIукIэхэм ныбжьыкIэхэр чанэу ахэлажьэх.
Зипсауныгъэ зэщыкъогъэ кIэлэцIыкIухэр зыщырагъэджэхэрэ еджэпIэ-интернатым «Добрый знак» зыфиIорэ Iофтхьабзэр щызэхащагъ. Автоинспекторхэмрэ еджапIэм испециалистхэмрэ ащ кIэщакIо фэхъугъэх.
ГъогурыкIоным ишапхъэхэр кIэлэцIыкIухэм къафаIотагъэх. Щынэгъончъэу зекIонхэм фэшI гъэсэпэтхыдэ зыхэлъ мультфильмэ рагъэплъыгъэх. Ащ нэмыкIэу, интернатым чIэт хьафизэхэм апае хэушъхьафыкIыгъэ тхылъеджапIэм къэгъэлъэгъон къыщызэIуахыгъ. КIэлэцIыкIухэр ашIогъэшIэгъонэу Iофтхьабзэхэм ахэлэжьагъэх. Нэужым зэкIэ зэхэтхэу сурэт зытырарагъэхыгъ.
(Тикорр.).