Тиспортсменхэм зэнэкъокъухэм медалэу къащахьырэр макIэп. ЯгушIуагъо адагощы зыхъукIэ, адыгэ быракъым кIэлъырытхэу нэпэеплъ сурэтхэр атырахыныр шэнышIу афэхъугъ.
Адыгэкъалэ иеджакIоу ЦIыкIу Рэмэзан Европэм иныбжьыкIэхэм самбэмкIэ язэIукIэгъухэм дышъэ медалыр къащихьыгъ, килограмм 55-м нэс къэзыщэчырэмэ атекIуагъ. Нарт кIалэм итренерыр Б. Шъэумэныр ары.
Р. ЦIыкIум республикэм къызегъэзэжьым, Адыгеим самбэмкIэ икIэлэцIыкIу-ныбжьыкIэ спорт еджапIэ, общественнэ движениеу «Адыгэ Хасэм», нэмыкIхэм къыщыфэгушIуагъэх. Зэхахьэхэм Къуижъ Къэплъан, Делэкъо Адам, ЦIыкIушъо Аслъан, фэшъхьафхэри къащыгущыIагъэх.