НЭПСЭУ Нихьад Тауфик ыкъор

Израиль ит адыгэ къуа­джэу Кфар-Камэ къыщыхъу­гъэ Нэпсэу Нихьад илъэс 67-м итэу дунаим ехыжьыгъ. ИцIыкIугъом къыщыублагъэу искусствэм, спортым апыща­гъэу щытыгъ. КIэлэегъаджэу Iоф ышIагъ. Аужырэ ­илъэсхэм Хэкужъым къыгъэзэжьыгъэу Мыекъуапэ щыпсэущтыгъ.

Нихат-Напсо-Альберт-Тлячев-и-Мухамед-ХасаниНэпсэу Нихьад анахьэу цIэ­рыIо зыщыхъугъэр лъэпкъ шIэ­жьым гукIи, псэкIи фэлажьэ­зэ общественнэ ­пшъэрылъхэр ыгъэцакIэхэу зеублэр ары. ИшIушIагъэ гъунэ имыIэм фэдагъ. Адыгэ музыкальнэ Iэмэ-псымэхэм кIэлэцIыкIухэр фэ­гъэсэгъэнхэм, дин Iофыгъохэм, тхылъхэм якъыдэгъэкIын, нэ­мыкI­хэм апэIухьащт мылъкум­кIэ ишIуагъэ аригъэкIыщтыгъ. ЯчIыгу къэзыгъэзэжьырэ ти­лъэпкъэгъухэм рэхьат зэра­гъэ­гъотынымкIэ IэпыIэгъу афэ­хъущтыгъ.

ИгупыкI изакъоп тиныбджэ­гъоу Н. Нэпсэур зыкIэдгъэ­лъапIэщтыгъэр. ЦIыфышIугъ, адыгагъэ зэрихьаным сыди­гъуи фэхьазырыгъ. Адыгэ Ха­сэм изэхахьэхэм къащыгу­щы­Iэщтыгъ, ныдэлъфыбзэр кIэ­лэеджакIохэмрэ ныбжьы­кIэ­хэмрэ зэрагъэшIэнымкIэ ама­лышIухэм алъыхъущтыгъ.

Н. Нэпсэум ныбджэгъухэр Къэбэртэе-Бэлъкъарым, Къэрэщэе-Щэрджэсым, Красно-
дар краим, Абхъазым, Адыге­им ащыриIагъэх. ЦыхьэшIэгъоу зэрэщытым фэшI лъытэ­ныгъэ ин къыфашIыщтыгъ.

Хьылъэу зэсымаджэм ыуж Нэпсэу Нихьад Израиль ащэжьыгъагъ къыщеIэзэнхэу, ау ылъэ теуцожьынэу инасып къыхьыгъэп.

Тиныбджэгъу лъапIэу, Нихьад. Угу ­къытемыожьырэми, уишIушIагъэкIэ укъытхэт. Уибэрэчэтыгъэ тщыгъупшэщтэп.

УишIушIагъэ Тхьэм къыуе­гъэтэжь, джэнэт къыует. Тэ егъашIэм тыгу уилъыщт.

Ныбджэгъу куп.