Муниципальнэ образованиеу «Къалэу Мыекъуапэ» мы мазэм Iофтхьабзэу «ПсыкъэкIуапI» зыфиIорэр щызэрахьэ.
Гухэлъ шъхьаIэу ащ иIэр мэшIогъэкIосэнымкIэ амалэу щыIэхэр икъоу къыдэлъытэгъэнхэр ыкIи гъэфедэгъэнхэр, машIом игъэкIосэнкIэ псыкъэкIуапIэу щыIэхэм ыкIи ахэм якIолIэрэ гъогухэм язытет уплъэкIугъэныр, мэшIогъэкIосэнымкIэ къызфагъэфедэрэ автомобильхэр зыдагъэуцурэ чIыпIэхэм щыкIагъэу яIэхэр дэгъэзыжьыгъэнхэр ары.
ПсыкъэкIуапIэхэм язытет мэшIогъэкIосэнымкIэ мэхьанэшхо иIэу щыт, ащ къыхэкIэу лъыплъэн IофшIэным епхыгъэ чIыпIэ къутамэм иIофышIэхэм а щыкIагъэхэр зылъэгъун ыкIи дэзыгъэзыжьын фэе IофышIэхэм япшъэрылъ амыгъэцакIэмэ, тэрэзэу мызекIохэмэ, Урысые Федерацием ихэбзэгъэуцугъэ къыдилъытэрэ Iофтхьабзэхэр адызэрахьащтых.
ЧIыпIэ горэм машIом зыкъыщиштагъэу шъулъэгъумэ, ащ лъыпытэу телефонэу «01»-м шъутеу ыкIи къызэкIолIэщтхэр зыдэщыIэр агурыжъугъаIу. IэпыIэгъур къэсыфэ нэс цIыфхэр а чIыпIэ гумэкIыгъом ищыгъэнхэмкIэ ыкIи амалэу шъуиIэхэмкIэ (псыр, пшахъор, чыхIэныр ыкIи нэмыкI пкъыгъохэр жъугъэфедэхэзэ) машIор зэрэжъугъэкIосэщтым ыуж шъуит.
МашIом зыкъымыштэным епхыгъэ IофыгъохэмкIэ къалэу Мыекъуапэ телефонэу 56-80-78-мкIэ е Къыблэ шъолъыр гупчэу къалэу Ростов дэтым 8-863-240-66-10-мкIэ шъутеу.
ЧIыпIэ къутамэм иIофышIэу, хэгъэгу
кIоцI къулыкъумкIэ капитанэу
Р. А. Кушъу.