Къыхьыгъэми, тыщытхъурэп

«Зэкъошныгъ» Мыекъуапэ — «Астрахань» Астрахань — 2:0.

Мэлылъфэгъум и 18-м Мыекъуапэ щызэдешIагъэх.

Зезыщагъэхэр: П. Кукулян, В. Бочков — Шъачэ, А. Шрамко — Шытхьал.

«Зэкъошныгъ»: Шэуджэн, Абазэ, Мыкъо Мурат, Поликутин, Ахмедханов, Туаев, Датхъужъ (Мэщыкъу, 46), Къэжьар (Маренич, 82), Джамилов, Кавтарадзе (Быдэ, 85), Делэкъу (Такълый, 58).

Къэлапчъэм Iэгуаор дэзыдзагъэхэр: Къэжьар — 14, Делэкъу — 57.

DSC_0529

«Зэкъошныгъэр» бэрэ ыпэкIэ илъыщтыгъ. НэбгыритIумэ аIэкIэ­кIи, метрэ 17 фэдизкIэ къэла­пчъэм пэчыжьэу Къэжьарэ Назир хъагъэм Iэгуаор ридзагъ. ­Ризван Ахмедхановыр джабгъу лъэны­къом­кIэ ухъумакIохэм къащыпхы­рыкIыгъ. Къэлапчъэм пэблагъэу Iэгуаор ащ къызетым, Делэкъо Аскэр псынкIэу хэкIыпIэшIу къы­гъотыгъ, хъагъэм шъхьэкIэ Iэгуаор ридзагъ, пчъагъэр 2:0 хъугъэ.

ТикъэлэпчъэIутэу Б. Шэуджэным IофшIэныбэ иIагъэп, хъагъэм Iэгуаор рагъэфэнэу командитIуми амалышIухэр яIагъэх.

Пресс-зэIукIэр

«Астрахань» итренер шъхьаIэу Сергей Гуньком къызэриIуагъэу, командэр икIэрыкIэу заугъоижьы­гъэр мазэ хъугъэп, ешIэгъухэм афэхьазырэп. ХьакIэхэр дэеу ешIа­гъэхэу ылъытагъ. «Зэкъошныгъэм» итренер шъхьаIэу Чэ­гъэдыу Бибэрт къыхигъэщыгъэр тифутболистхэм нахьыбэкIэ зэращыгугъырэр ары.

«Зэкъошныгъэм» изичэзыу ешIэ­гъу мэлылъфэгъум и 25-м Краснодар щыкIощт.

Сурэтым итыр: Делэкъо Аскэр «Астрахань» икъэлапчъэ Iэгуаор дедзэ.