Агу къагъэкIыжьыгъ

ГъогурыкIоныр щынэгъончъэнымкIэ Къэралыгъо къулыкъум иIофышIэхэр кIэщакIо фэхъухи, Iофтхьабзэу «Соблюдай безопасную дистанцию» зыфиIорэр Мыекъуапэ иурамхэу автомобильхэр нахьыбэу зыщызекIохэрэм ащызэхащагъ.

DSC_0031Инспекторхэм шапхъэхэр водительхэм агу къагъэкIыжьы­гъэх, ахэр зыукъохэрэм адэгу­щыIагъэх. ТхьамыкIагъо къащы­мышIыным фэшI хэбзэгъэуцу­гъэм къыдилъытэрэ лъэныкъо­хэр агъэцэкIэнхэу, гъогум тет машинэхэм язэпэчыжьагъэ амыукъонэу араIуагъ. Шапхъэхэр къизыIотыкIырэ тхьапэхэр афагощыгъэх.

Водительхэу гущыIэгъу зыфэхъугъэхэм ащыщхэр машинэ зэутэкIхэм ахэфэгъагъэх. Ащ фэдэ къямыхъулIэжьыным фэшI шапхъэхэм алъэплъэх, къэлэ кIоцIым автомобилыр псынкIэу щызэрафэрэп.

КъулыкъушIэхэр зыIухьэгъэ чIы­пIэхэм ащыщ къэлэ ЗАГС-р. Нысащэхэм ахэт водитель ныб­жьыкIэхэм ахэр адэгущыIагъэх, гъогурыкIоным ишапхъэхэр агу къагъэкIыжьыгъэх. ТхьамыкIагъо къямыхъулIэным пае гъогум тетхэ зыхъукIэ зыфэсакъы­жьынхэу араIуагъ.