ЗыдэщыIэр шъошIэмэ…

Мыекъуапэ щыщ Стеблянский Артур Виктор ыкъор зыдэщыIэр полицием иорганхэм джырэ уахътэм агъэунэфы.

Ар 1984-рэ илъэсым къэ­хъугъ. ХэбзэухъумакIохэм къэбарэу аIэкIэлъымкIэ, 2015-рэ илъэсым шэкIогъум къалэу Санкт-Петербург Iоф ­щишIэнэу кIэлакIэр кIуагъэ. Ау 2016-рэ илъэсым гъэтхапэм и 12-м къыщыублагъэу иIа­хьылхэм, игупсэхэм къафытеожьырэп, зыдэхъугъэр ашIэ­рэп. ИтеплъэкIэ ащ илъэс 30 — 35-рэ ыныбжь, илъэгагъэ сантиметри 170 — 180-рэ мэ­хъу, оды, ынэхэр фыжьым нахь пэблагъэх, ышъхьац шIу­цIэ-фыжь зэхэлъ. Къызэ­рэ­пшIэ­жьын плъэкIыщтыр: ышъхьэ­пхэтыку сантиметри 3 фэдиз хъурэ тыркъо телъ, нэгъун­джэхэр Iулъых. Артур епхыгъэ къэбар горэ шъошIэмэ, ­къалэу Мыекъуапэ щыIэ телефон номерхэу (8772) 59-64-00-м, 59-65-53-м, 52-26-32-м, 8-903-465-00-73-м е 02-м шъуакъытеонэу полицием икъулыкъушIэхэр къышъолъэIух.

АРм хэгъэгу кIоцI IофхэмкIэ и Министерствэ ипресскъулыкъу.