Анахь дэгъухэр къыхагъэщыгъэх

Хьыкум приставхэм яфедеральнэ къулыкъу и Гъэ­IорышIапIэу Адыгэ Республикэм щыIэр кIэщакIо зыфэхъугъэ фестиваль-зэнэкъокъоу «Хрустальные звездочки» зыфиIорэм иапэрэ едзыгъо культурэм и Унэу «Гигантым» мы мафэхэм щыкIуагъ.

DSC_01942008-рэ илъэсым щегъэ­жьагъэу мы проектыр зэхащэ. Пшъэрылъ шъхьаIэу иIэр хэбзэухъумэкIо къулыкъухэм ыкIи къэралыгъо структурэхэм Iоф ащызышIэхэрэм яунагъохэм арыс cэнаущыгъэ зыхэлъ кIэлэцIыкIухэм IэпыIэгъу афэ­хъугъэныр ары. Зэнэкъокъур лъэныкъо заулэу зэтеутыгъ, ащ хэхьэх вокалыр, хореогра­фиер. Iофтхьабзэм хэлэжьа­гъэхэм сэнаущыгъэу ахэлъым жюрим уасэ фишIыгъ, анахь дэгъухэр къыхигъэщыгъэх.

Лъэныкъоу зыкъызщагъэ­лъэгъуагъэм елъытыгъэу апэрэ чIыпIэр ыкIи фестиваль-зэнэкъокъум и Дипломэу апэрэ степень зиIэр зыфагъэ­шъошагъэхэр: Егор Марфин (илъэс 12 ыныбжь), КIыкI Диана (илъэс 16), Арина Про­кофьевар (илъэс 15), Велина ­Прокофьевар (илъэси 10), Шъэфрыкъо Нэлджан ыкIи Тэтэр Щамил.

Зэнэкъокъум ащытекIуа­гъэ­хэм явидеоматериалхэр Мос­к­ва агъэхьыгъэх, ахэр фестива­лым иятIонэрэ едзыгъо хэлэжьэщтых.

Хьыкум приставхэм
яфедеральнэ къулыкъу
и ГъэIорышIапIэу
Адыгеим щыIэм
ипресс-къулыкъу.