Федеральнэ къэралыгъо бюджет учреждениеу «ФКП Росреестра» зыфиIорэм икъутамэу Адыгэ Республикэм щыIэм (Кадастрэ палатэм) унэшъо гъэнэфагъэу къыдэкIыгъэм тегъэпсыхьагъэу амыгъэкощырэ мылъкумкIэ фитыныгъэхэм я Къэралыгъо реестрэ зыкI къэбарэу итыр 2016-рэ илъэсым щылэ мазэм и 1-м къыщыублагъэу цIыфхэм аIэкIигъахьэу ригъэжьагъ.
ЫпкIэ хэмылъэу къэбарыр къызIэкIэзгъэхьан зылъэкIыщтхэр цIыфхэу ыкIи организацие гъэнэфагъэхэу ащкIэ фитыныгъэ зиIэхэр ары.
Къэралыгъо реестрэм амыгъэкощырэ мылъкумкIэ къэбар икъу ит. Ащ фэдэ мылъкоу ащэнэу е ащэфынэу зыфаехэм арест телъмэ агъэунэфын, нэмыкI Iофыгъоу къэуцухэрэми защагъэгъозэн алъэкIыщт.
Амыгъэкощырэ мылъкур чIыпIэу зыдэщыIэм емылъытыгъэу непэкIэ Кадастрэ палатэм къэбар икъу мы лъэныкъохэмкIэ аIэкIегъахьэ:
— Къэралыгъо реестрэм къыхэтхыкIыгъэу амыгъэкощырэ мылъкумкIэ фитыныгъэ зиIэр;
— нэужым а фитыныгъэр зыфэгъэзагъэ хъугъэр;
— мылъкумкIэ фитыныгъэ зиIэм ипсауныгъэ изытет (иакъылкIэ щыкIагъэ иIэмэ);
— амыгъэкощырэ мылъкумкIэ къэбарыр къызIэкIэзгъэхьагъэхэм яхьылIэгъэ справкэхэр.
Кадастрэ учетымкIэ къулыкъум хэтрэ цIыфи ищыкIэгъэ къэбарыр IэкIигъэхьан ылъэкIыщт. АщкIэ амал зэфэшъхьафхэр агъэфедэх: электроннэ документэу Росреестрэм иофициальнэ сайт итыр (www.rоsrееstr.ru), почтэкIэ агъэхьырэ тхылъыпIэ документхэр ыкIи Кадастрэ палатэм иофициальнэ сайт (www.kаdаstr-О1.ru).
Ахъщэр агъэхьын хъумэ, бланкхэмрэ банкым иреквизитхэмрэ, джащ фэдэу ахъщэр зыфэдизымрэ мыщ фэдэ сайтхэм арагъотэщт: (www. fkрrf.ru), (www.kаdаstr-О1.ru). Ахъщэр банкхэм яотделениехэмкIэ, терминалхэмкIэ атын алъэкIыщт. УпчIэ шъуиIэ хъумэ, Кадастрэ палатэм ичIыпIэ къутамэ, пшъэрылъ зэфэшъхьафхэр зыгъэцэкIэрэ Гупчэм исыд фэдэрэ офиси зафэжъугъэзэн шъулъэкIыщт.
В. А. Путилина.
Федеральнэ къэралыгъо бюджет учреждениеу «ФКП Росреестра» зыфиIорэм икъутамэу Адыгэ Республикэм щыIэм иотдел иинженер.