Я 2-рэ чIыпIэр къыхьыгъ

Урысые зэнэкъокъоу «Хьыкум приставхэр — кIэлэ­цIыкIухэм апай» зыфиIорэм иятIонэрэ едзыгъо ­Адыгеим ихьыкум приставэу Андырхъое Анжеликэ хэлэжьагъ ыкIи къытефэу я 2-рэ чIыпIэр къыфа­гъэшъошагъ.

Зэнэкъокъум къыдыхэлъытэ­гъэ лъэныкъо пстэумкIи ащ ча­нэу зыкъигъэлъэгъуагъ, шIэныгъэ куухэр зэрэIэкIэлъхэр къы­гъэшъыпкъэжьыгъ.

Суд приставхэм ­яфедеральнэ къулыкъу и ГъэIорышIапIэу Адыгэ Республикэм щыIэм икъулыкъу­шIэхэр Анжеликэ фэгушIох, тапэ­кIи гъэхъагъэхэр ышIынхэу фэлъаIох.