«Налмэсыр» Абхъазым щырякIас

ТелефонкIэ къатыгъ. Адыгэ Республикэм и Къэралыгъо академическэ къэшъокIо ансамблэу «Налмэсым» иконцертхэр Абхъазым щэкIох.

DSC_0360

Творческэ купым ихудожест­веннэ пащэу Хъоджэе Аслъан къызэрэтиIуагъэу, зэхахьэхэр зэ­къош­хэм ямэфэкI шъыпкъэм фа­гъадэх.

Мэлылъфэгъум и 5-м Сы­хъум, и 6-м Очамчири «Налмэсым» иконцертхэр ащызэхащагъэх. Аб­хъазым и Президентэу ­Рауль Хаджимбэ, республикэм икъулы­къушIэхэр концертхэм ашIогъэ­шIэгъонэу яплъых. Кавказым щы­псэурэ лъэпкъхэм якъэшъо зэхэт­хэр, «ЗэфакIор», «Абхъаз къа­шъор», «Налмэсым» инэмыкI къэ­гъэлъэгъонхэр артистхэм дахэу къашIых. Залым чIэсхэр къялъэ­­Iухэзэ, икIэрыкIэу ­къэшъуакIо­хэр пчэгум къытыращэжьыхэу бэрэ къыхэкIы.

Зэкъош лъэпкъхэр ­искусствэм нахь лъэшэу зэрепхых. Тарихъыр, шэн-хабзэхэр дахэу къыщагъэ­лъагъох.

Аужырэ илъэси 10-м къыкIоцI «Налмэсыр» Абхъазым щыIагъэп. Программэм зэхъокIыныгъэ инхэр фэхъугъэх, кIэу агъэуцугъэ къа­шъохэр тиартистхэм IэпэIэсэныгъэ ин ахэлъэу къашIых.

«Налмэсыр» илъэс 80, ­Адыгэ Республикэр илъэс 25-рэ зэрэхъу­хэрэм афэгъэхьыгъэ зэхахьэхэр Абхъазым, Краснодар краим, Адыгеим, нэмыкIхэм ащызэхащэщтых. «Налмэсым» ипчыхьэзэ­хахьэ тыгъуасэ Гудаутэ щыкIуагъ. Гулрыпшрэ Ткуарчалрэ мэлылъфэгъум и 8 — 9-м концертхэр къащитыщтых.