Адырагъэштагъ

АР-м экономикэ хэхъоныгъэхэмкIэ ыкIи сатыумкIэ и Министерствэ къызэритыгъэмкIэ, бизнес цIыкIум ыкIи гурытым къэралыгъо IэпыIэгъу егъэгъотыгъэным фэгъэзэгъэ комиссием зичэзыу зэхэсыгъо джырэблагъэ иIагъ.

Экономикэм хэхъоныгъэхэр егъэшIыгъэнхэм фытегъэпсыхьэгъэ программэу 2014 — 2018-рэ илъэсхэм ателъыта­гъэм къыхиубытэу ар микро­финанс организациеу «Предпринимательствэм IэпыIэгъу егъэгъотыгъэнымкIэ АР-м и Фонд» зыфиIорэм щызэхащэ­гъагъ.

Министерствэм ипресс-къулыкъу тызэрэщигъэгъозагъэмкIэ, банкым чIыфэ къытыным пае республикэр шыхьат фэ­хъунэу зы лъэIу тхылъ къы­рахьылIэгъагъ. Комиссием ащ дыригъэштагъ. Бизнес цIыкIум ыкIи гурытым иобъектэу ар къэзытыгъэм ПАО-у «Московский Индустриальный Банк» зыфиIорэм сомэ миллиони 10,5-рэ чIыфэу къыритыщт.

Джащ фэдэу микрокредит зэрящыкIагъэм фэгъэхьыгъэу лъэIу тхылъи 4 къырахьылIагъ ыкIи ащ фэгъэзэгъэ комиссием ахэри игъоу ылъэгъугъэх.

ХЪУТ Нэфсэт.