Дзэм къулыкъу щызыхьыщтхэр гъэсэныгъэм иорганизациехэу Урысыем и ДОСААФ епхыгъэхэм ащыгъэхьазырыгъэнхэм фэIорышIэрэ ушэтыным хэлэжьэщт шъолъыри 9-мэ Адыгеир ахэхьагъ.
ДОСААФ-м ирегиональнэ къутамэу республикэм щыIэм итхьаматэу Барцо Тимур къызэриIуагъэмкIэ, Iофтхьабзэм ия 2-рэ едзыгъо жъоныгъуакIэм къыщегъэжьагъэу мэкъуогъум нэс кIощт. Адыгеим щыщ ныбгырэ 40 фэдиз ащ хэлэжьэщт. НыбжьыкIэхэу дзэм къулыкъу щызыхьынэу щытхэм яухьазырыныгъэ къагъэлъэгъощт.
ЗэкIэмкIи мыгъэ республикэм щыщ нэбгырэ 500-м ехъу дзэм дащыщт. Урысыем идзэ часть пстэуми тикIалэхэм къулыкъу ащахьыщт. Апэрэ купыр мэлылъфэгъум и 15-м гъогу техьащт.
(Тикорр.).