Адыгеим къыщыдагъэкIырэ продукциер джы щэпIэ зэхэтышхоу «Пятерочка» зыфиIорэми щыIуагъэкIы. АР-м экономикэ хэхъоныгъэхэмкIэ ыкIи сатыумкIэ и Министерствэрэ сетьхэм япащэхэмрэ ащ фэдэ зэзэгъыныгъэ зэдашIыгъ.
Министерствэм къызэритыгъэмкIэ, республикэм ипредприятиехэу ООО-у «Питейный дом» зыфиIорэр, щэм хэшIыкIыгъэ гъомылапхъэхэр къэзышIырэ заводэу станицэу Джаджэм дэтыр ыкIи хьалыгъугъэжъэ комбинатэу «Тульскэр» арых мы уахътэм зипродукцие «Пятерочкэм» къытезылъхьагъэр. ПстэумкIи тучани 6 мыщ иеу республикэм ит. Ахэм ащыщэу 3-р Мыекъуапэ дэтых, адрэхэр Мыекъопэ, Кощхьэблэ ыкIи Джэджэ районхэм къащызэIуахыгъэх.
Адыгеим ипредприятиехэм япродукцие зыщыIуагъэкIырэ щэпIэ зэхэтхэр джы 4 хъу-
гъэ. «Пятерочкэм» имызакъоу, «Магнитыр» хъызмэтшIэпIэ 18-мэ адэлажьэ, гипермаркетэу «Ашан» зыфиIорэм предприятии 10-мэ япродукцие ращалIэ, «МЭТРО-р» зыдэлажьэрэр предприятии 5 мэхъу. Министерствэм испециалистхэм къызэрэхагъэщырэмкIэ, мыщ фэдэ щэпIэ зэхэтышхохэр нахьыбэу къырагъэуцохэмэ, республикэм ибюджет хэбзэIахьэу къыхалъхьэрэми къыхэхъощт, типредприятиехэм япродукцие зыщыIуагъэкIыщтыри нахьыбэ хъущт.