IэпыIэгъу афэхъунхэр япшъэрылъ шъхьаI

Тэхъутэмыкъое районым ит къуаджэхэм ащыщэу Козэт дэт фельдшер-мамыку пунктым мы мафэхэм тыщыIагъ. ЦIыф­хэм IэпыIэгъу зэрафэхъухэрэр, яIофшIэн зэрэзэхащэрэр зэдгъэлъэгъугъ.

DSC_0015— Фельдшер-мамыку пунктыр 1990-рэ илъэсым къыщегъэжьагъэу тикъуа­джэ дэт, — къытфеIуатэ кIэлэцIыкIухэм афэгъэзэгъэ медсестрау Пчы­хьалIыкъо Тэмарэ. — 1993-рэ илъэсым къыще­гъэжьагъэу мы IэзапIэм Iоф щысэшIэ.

ГущыIэгъу тызыфэхъу­гъэ бзылъфыгъэм къы­­зэ­риIуагъэмкIэ, IэзэпIэ ­уч­реждением нэбгыритф щэлажьэ. Ныбжь зиIэхэм IэпыIэгъу афэхъурэ участ­ковэ медсестрар, акушеркэр, санитаркэр, ежьыр. Тэхъутэмыкъуае къикIызэ гъубдж ыкIи мэфэку мафэхэм Козэт дэт фельд­шер-мамыку пунктым врач къэкIо. Гу­мэкIыгъо зиIэ цIыфхэр ащ еуалIэх, чыжьэу мы­кIохэу ар IэпыIэгъу къафэхъу.

— Нэбгырэ мини 3 фэдиз мы уахътэм ехъу­лIэу Козэт щэпсэу. Пшъэрылъэу зыфэдгъэуцужьы­рэр ахэм узыр къызя­утэкIырэм псынкIэу дгъэ­хъужьынхэр ары, — игу­щыIэ лъегъэкIуатэ Тэмарэ. — Тызэгъусэу, тызэ­деIэжьзэ ащ Iоф дэтэшIэ. Къыхэзгъэщы сшIои­гъу тикъоджэдэсхэм тызэрафэразэр. Ахэм афа­тшIэрэр зэхашIыкIы, ежьхэри IэпыIэгъу къызэрэтфэхъущтхэм пылъых.

Тэмарэ къызэ­риIуа­гъэм­кIэ, ящыкIэгъэ Iэзэгъу уцхэр, прививкэ цIыф­хэр зэрашIыщт вакци­нэхэр икъоу къаратых. Ахэм ащыкIэхэу къыхэ­кIырэп. Ау гъэцэкIэжьын Iоф­шIэнхэр мы IэзапIэм зи­щыкIагъэхэр бэ­шIагъэ. Акушерыр зычIэс кабинетыр ары анахьэу гъэ­цэкIэжьын щы­кIэрэр.

— Фельдшер-мамыку пунктым пчэдыжьым къыщегъэжьагъэу мафэм сы­хьатыр 3-м нэс Iоф ешIэ, — игущыIэ лъегъэкIуатэ Тэмарэ. — Уахътэр 3-м блэкIыгъэ зыхъукIэ, сымаджэр «IэпыIэгъу псын­кIэм» къеджэ. ТиIофшIэн хьылъэ къэзышIырэр ма­шинэ зэрэщымыIэр ары. Сымаджэхэр зэкIэ лъэсэу къэтэкIухьэх. IэпыIэ­гъу зищыкIагъэм унэсыфэ уахътэу текIуадэрэр макIэп, ау пшъэры­лъэу тиIэр сыдигъуи тыгу ид­гъэкIырэп, тиIэпыIэгъу зи­щыкIагъэхэм псын­кIэу тяуалIэ.

Гъонэжьыкъо Сэтэнай.

Сурэтым итыр: Пчы­хьа­­лIыкъо Тэмар.