Урысыем самбэмкIэ ишIэжь турнирэу Къуныжъ Мыхьамэт фэгъэхьыгъэр Щэрджэскъалэ щыкIуагъ. ЗэIукIэгъухэм Адыгеим щыщ бэнакIохэм хагъэунэфыкIырэ чIыпIэхэр къащыдахыгъэх.
Къуныжъ Мыхьамэт самбэмкIэ дунаим ичемпионэу, Къэрэщэе-Щэрджэсым и Лъэпкъ зэIукIэ идепутатэу щытыгъ, Адыгеим дэгъоу щашIэщтыгъ. Игъонэмысэу идунай зыхъожьыгъэ М. Къуныжъыр килограмм 68-м нэс къэзыщэчырэмэ якуп щыбанэщтыгъ.
Тиреспубликэ щыщ кIалэхэм ащыщэу Чэтыжъ Нурбый кг 70-рэ къэзыщэчырэмэ янэкъокъугъ, апэрэ чIыпIэр къыфагъэшъошагъ. Урысыем ыкIи Адыгеим язаслуженнэ тренерэу Джарымэкъо Нурбыйрэ тренер-кIэлэегъаджэу Джарымэкъо Рустамрэ Н. Чэтыжъыр агъасэ. Дэхъужь Хъызыр, кг 52-рэ, ятIонэрэ чIыпIэр къыдихыгъ, тренер-кIэлэегъаджэу Дэхъужь Мурат ипащ.
Сурэтым итхэр: медальхэр къыдэзыхыгъэхэм афэгушIох.