«Зэкъошныгъ» Мыекъуапэ — СКА Ростов-на-Дону — 0:1.
Мэлылъфэгъум и 3-м Мыекъуапэ щызэIукIагъэх.
Зезыщагъэхэр: А. Сальников — Краснодар, И. Типикин — Тихорецк, А. Орел — Кропоткин.
«Зэкъошныгъ»: Шэуджэн, Мыкъо Абрек, Абазэ, Поликутин, Ахмедханов, Джамилов (Iащэ, 80), Кавтарадзе (Делэкъу, 61), Датхъужь, Маренич (Устюжанин, 56), Мэщыкъу, Бугулов (Къэжьар, 29).
Къэлапчъэм Iэгуаор дэзыдзагъэр: Подбельцев — 55.
2015 — 2016-рэ илъэс ешIэгъум хэхьэрэ зэIукIэгъоу республикэ стадионым щыкIуагъэм упчIабэ къыгъэтэджыгъ. Р. Ахмедхановыр, А. Устюжаниныр, А. Делэкъор, нэмыкIхэм къэлапчъэм Iэгуаор дадзэнымкIэ чIыпIэшIу ифэхэу къыхэкIыгъ. СКА-м икъэлэпчъэIутэу Р. Солдатенкэр дэгъу дэдэу ешIагъ, Iэгуаор хъагъэм раригъэдзагъэп. Ащ фэдэ къэлэпчъэIут шIагъо зимыIэ командэхэр апэрэ купым хэтых.
Я 55-рэ такъикъым тиухъумакIохэр зэгурыIуагъэхэп. А. Подбельцевыр офсайдым итэу къащыхъуи, игъом пэуцугъэхэп, тикъэлапчъэ Iэгуаор къыдадзагъ.
Пресс-зэIукIэр
— «Зэкъошныгъэм» зэхъокIыныгъабэ фэхъугъ, тифутболистхэм тагъэгугъэ, — къыIуагъ тренер шъхьаIэу Б.Чэгъдыум. — Илъэс ешIэгъур етымыгъажьэзэ ныбджэгъу зэIукIэгъуи 5 тиIагъ. Тифутболистхэм яешIакIэ мырэущтэу сыгу римыхьыхэу зыкIи къыхэкIыгъэп. Судьям ипшъэрылъхэр зэригъэцэкIагъэхэм щыкIагъэхэр фэсэлъэгъух, зэфагъэ хэлъэу зекIо сшIоигъу.
СКА-м итренер шъхьаIэу М. Куприяновым зэIукIэм къыщыхигъэщыгъ опыт зиIэ футболисти 6 командэм зэриштагъэр, яфэIо-фашIэхэр бэкIэ нахьышIоу агъэцакIэхэ зэрэхъугъэр. КъэлэпчъэIутэу Р. Солдатенкэм, нэмыкIхэм къащытхъугъ. СКА-р командэ лъэшхэм ащыщ хъуным пылъыщт.