ЗэIукIэгъухэм тяжэ

ГандболымкIэ зэIукIэгъу гъэшIэгъонхэр гъэтхапэм и 17 — 19-м Мыекъуапэ щыкIощтых. Баку, Ростов-на-Дону, Краснодар, Мыекъуапэ ябзылъфыгъэ командэхэр тикъалэ щызэдешIэщтых.

DSC_0702

«АГУ-Адыифым» ипащэу Цэй Аслъанчэрые, тикомандэ иныб­жьыкIэхэм ятренерэу Валерий Гончар къызэратаIуагъэу, хэгъэ­гум изэнэкъокъу, дунэе зэIукIэ­гъухэм нахьышIоу зафагъэхьазырыным фэшI турнирыр Мые­къуапэ щызэхащагъ.

ТиешIакIохэу Милица Грбавчевич, Ольга Исаченкэм, Светлана Кожубековам, Наталья Никитинам, Елена Портягинам, нэмыкIхэм зэнэкъокъум зыфагъэ­хьазыры. Суперлигэм щыкIорэ зэнэкъокъум типшъашъэхэр нахь чанэу зэрэхэлэжьэщтхэм пылъых.

— БэмышIэу «АГУ-Адыифым» саштагъ, «Ростов-Доным» сыще­шIэщтыгъ, — къеIуатэ Наталья Никитинам. — Урысыем иныб­жьыкIэ хэшыпыкIыгъэ командэ хэт пшъашъэхэри Мыекъуапэ щэпсэух, «АГУ-Адыифым» дэгъоу къыщыспэгъокIыгъэх…

Мэфищым къыкIоцI гандбол дахэ тикъалэ щытлъэгъущт.

Сурэтым итхэр: «АГУАдыифым» иешIакIохэу Милица Грбавчевич, Ольга Исаченкэр, Светлана Кожубековар, Наталья Никитинар, Елена Портягинар.