Мыекъопэ къэралыгъо технологическэ университетым IэкIыб къэралхэм къарыкIыгъэ студентхэм урысыбзэ зыщызэрагъэшIэрэ факультетым иподготовительнэ отделение щеджэрэ ныбжьыкIэхэр мы мафэхэм Лэгъо-Накъэ ащэгъагъэх.
2015-рэ илъэсым къыщегъэжьагъэу Ли-ван, Афганистан, Индием, Палестинэм, Туркменистан, Ирак, Тыркуем, Монголием ыкIи нэмыкI IэкIыб къэралыгъохэм къарыкIыгъэ ныбжьыкIэхэу мы апшъэрэ еджапIэм чIэсхэм апэрэу къушъхьэхэм ядэхагъэ нэрылъэгъу афэхъугъ. Ахэр нэбгырэ 70-рэ фэдиз хъущтыгъэх.
Къэралыгъо фабэхэм къарыкIыгъэ ныбжьыкIэхэр ары анахьэу алъэгъугъэр зыгъэшIэгъуагъэхэр. Апэрэу осым хэхьагъэх, щыджэгугъэх. КIымэфэ спорт зэфэшъхьафхэмкIэ зэнэкъокъугъэх, жэмкIэ зыкъырагъэцIэнлъэхыгъ. Тыкъэзыуцухьэрэ дунаим анахь чIыпIэ дахэу ыкIи гъэшIэгъонэу иIэхэм ащыщэу Азишскэ гъочIэгъми ныбжьыкIэхэр чIащагъэх.
ЧIыпIэ пэпчъ тарихъэу пылъыр студентхэм къафаIотагъ. ЗекIо гъэшIэгъонэу зыдэщыIагъэхэр ащымыгъупшэнэу сурэтхэр зытырахыгъэх, нэпэеплъ зэфэшъхьафхэр ягупсэхэм афащэфыгъэх.
(Тикорр.).