01-м къеты

МашIом зыкъымыштэным епхыгъэ лъыплъэн IофшIэныр зыгъэцэкIэрэ къутамэу къалэу Мые­къуапэ щыIэм цIыфхэм, организациехэм ыкIи учреждениехэм япащэхэм анаIэ тырарегъадзэ «ошъогу китай фонариккIэ» заджэхэрэр зэратIупщыхэрэм зэрарышхо къафи­хьын зэрилъэкIыщтым.

mchsУрысые Федерацием и Правительствэ иунашъоу 2012-рэ илъэсым мэлылъфэгъум и
25-м къыдэкIыгъэм ия 77-рэ пункт къызэрэдилъытэрэм тетэу къалэхэм ыкIи къуаджэхэм (мэз шъолъырхэм метри 100-м нахь макIэу апэIудзыгъэ чIыпIэхэм) машIор къызы­пкъырыкIын ылъэкIыщт пкъы­гъохэр ащатIупщхэ хъущтэп.

Урысые Федерацием и Кодексэу административнэ хэ­бзэукъоныгъэхэм афэгъэхьыгъэм къызэриIорэмкIэ, машIом зыкъымыштэнымкIэ шэпхъэ гъэ­нэфагъэу щыIэхэр зыукъохэрэм административнэ пшъэ­дэ­кIыжь арагъэхьызэ ашIыщт, цIыфхэм сомэ 1500-м нэс, IэнатIэ зиIэхэм — сомэ мини 6-м къыщегъэжьагъэу мин 15-м нэс атыщт. Урысые Феде­рацием и Кодекс ия 204-рэ статья ия 6-рэ Iахь къызэри­­IорэмкIэ, зыгорэм илажьэкIэ машIом зыкъыштагъэу ыкIи цIы­фым ипсауныгъэ е имылъку зэ­рар арахыгъэмэ, пшъэдэкIыжь ахьыщт: IэнатIэ зиIэхэм — сомэ мин 40-м къыщегъэжьагъэу сомэ мин 50-м нэс, цIыфхэм сомэ мини 4-м къыщегъэжьагъэу мини 5-м нэс атыралъхьащт.

Лъыплъэн IофхэмкIэ чIыпIэ
подразделением икъутамэу Мыекъуапэ щыIэм иIофышIэу,
хэгъэгу кIоцI къулыкъумкIэ капитанэу Р. А. Кушъу.