ЗэхъокIыныгъэхэр фэхъунхэ ылъэкIыщт

Псауныгъэм икъэухъумэн фэгъэзэгъэ къулы­къум зэхъокIыныгъэхэр фашIыщтых. Ахэр афэгъэхьыгъэх поликлиникэхэм, сымэ­джэщ­хэм цIыфхэм ащафагъэцэкIэщт медицинэ фэIо-фашIэхэм, къэралыгъом гъунэ зылъифыщт Iэзэгъу уцхэм ахахьэхэрэм, нэмыкI Iофы­гъохэми.

1280x1200Джы зигугъу къэтшIы тшIои­гъор «IэпыIэгъу псынкIэм» фэ­гъэхьыгъэ зэхъокIыныгъэу тызэ­­рихьылIэнхэ ылъэкIыщтхэр ары.

УФ-м псауныгъэр къэухъу­мэгъэнымкIэ и Министерствэ унашъо щагъэхьазыры псэупIэм иинагъэ елъытыгъэу медицинскэ организациехэр зыдэщытынхэ фаем фэгъэхьы­гъэу. А унашъом ипроект къы­зэриIорэмкIэ, «IэпыIэгъу псын­кIэм» имашинэ псэупIэм ианахь чIыпIэ чыжьэ такъикъ 20-кIэ нэ­сыным тегъэпсыхьагъэу станциер къыщызэIухыгъэн фае. Шъыпкъэ, ар зыщыхъун ылъэ­кIыщтыр нэбгырэ мин 20-м ехъу зыщыпсэурэ къалэхэр ары.

57882c2ecd04ab9d320dd72f1db9fb3bМыр шэпхъэ гъэуцугъэу щы­тэп, джыри ащ тапэкIэ тегу­щыIэщтых.

УФ-м псауныгъэр къэухъумэ­гъэнымкIэ и Министерствэ ме­дицинэ профилактикэмкIэ и Къэралыгъо научнэ-ушэтыпIэ институт и Гупчэ лабораторие ипащэу Мех­ман Мамедовым къызэриIуа­гъэмкIэ, медицинэ Iэ­пыIэгъумкIэ дунаим щагъэфе­дэрэ аужырэ шапхъэхэм Урысыер атегъэхьэ­гъэнымкIэ амалхэм мы уахътэм ягупшысэх. Ау ар щыIэны­гъэм щыпхырыпщыным ыпэкIэ пэшIорыгъэшъэу Iоф дэшIэгъэн фае.

Псауныгъэр къэухъумэгъэным фэгъэзэгъэ экспертэу ­Владимир Шевскэм къызэриIорэмкIэ, мыщ фэдэ тхылъ (документ) къыдэ­гъэкIыгъэныр зигъо Iофэу щыт.

Псауныгъэр къэухъумэгъэ­ным­кIэ Министерствэм къызэ­ри­IорэмкIэ, къалэу нэбгырэ мин 20-м ехъу зыщыпсэурэм дэт поликлиникэхэм лъэсэу, та­къикъ 60-м шIомыкIэу уанэсы­шъунэу щытын фае.

Экспертыбэмэ зэралъытэ­рэм­кIэ, мыщ фэдэ шапхъэхэм ате­хьанхэм гумэкIыгъуабэ къы­пыкIын ылъэкIыщт.

— Нэбгырэ мини 100-м кIа­хьэу зыдэс псэупIэхэм «Iэпы­Iэгъу псынкIэр» анэсынымкIэ шапхъэу щыIэхэр зэблэхъу­гъэнхэм шIуагъэ къытыщтэп, ыпэкIэ зэрэщытыгъэм къытенэжьымэ цIыфхэмкIэ нахь Iэ­рыфэгъоу сеплъы, — еIо Владимир Шевскэм.

Апэрэ медикэ-санитар Iэ­пы­Iэгъум лъэсэу узэрекIолIэ­щтым (такъикъ 60-м шIомыкIэу) фэ­гъэхьыгъэ шапхъэхэр къэлэ псэупIэ закъохэр ары зыфа­гъэнэфагъэхэр, ау мыр нахь зищыкIэгъэ къоджэ псэупIэхэр ащ къыдыхэлъытагъэхэп.

Адэбз уз зиIэхэр диагности­кэ шIыгъэнхэм ыкIи яIэзэ­гъэ­ным фэшI ищыкIэгъэ псэуа­лъэхэм осэшхо зэряIэр къыдэплъытэмэ, регионым зы онкологическэ диспансер е сымэджэщ ныIэп ищыкIэгъэщтыр.

(Тикорр.).