Телекъэтынэу «Умницы и умники» зыфиIорэр зызэхащагъэм къыщегъэжьагъэу Адыгеим икIыгъэ ныбжьыкIэ пчъагъэ ащ хэлэжьагъ. Зэрифэшъуашэу зыкъыщагъэлъэгъуагъ ыкIи Урысыем иапшъэрэ еджэпIэ анахь дэгъумэ къачIэкIыгъэхэм ащыщэу МГИМО-м чIэхьагъэх.
Мы апшъэрэ еджапIэм чIэхьан амал иIэ хъугъэ телевизионнэ гуманитар Урысые олимпиадэу «Умницы и Умники» зыфиIорэм ишъолъыр уцугъо текIоныгъэ къыщыдэзыхыгъэ Бзэджэжъыкъо Асхьад. Москва щыкIогъэ олимпиадэу телегупчэу «Останкинэм» щытырахыгъэми зэрифэшъуашэу зыкъыщигъэлъэгъуагъ.
— Адыгеим икIыгъэ кIэлэ ныбжьыкIэм лъэгъо гъожьыр къыхихыгъагъ, ащ икIынэу инасып къымыхьыгъэми, трибунэм тесэу упчIэхэм яджэуап тэрэзэу къызэритыжьыгъэм пае орденищ ыкIи зы медаль къылэжьыгъэу, полуфиналым хэхьагъэу Мыекъуапэ къэкIожьыгъ, — къыщытаIуагъ Мыекъопэ къэлэ администрацием. Асхьад зыхэлэжьэгъэ телекъэтыныр а 1-рэ каналымкIэ къагъэлъэгъожьыгъах. Полуфиналым хэлэжьэнэу мэзаем ыкIэхэм адэжь джыри Москва кIощт, ащ ишIэныгъэхэр къызэрэщигъэлъагъорэм елъытыгъэу финалым хэхьащт.
Бзэджэжъыкъо Асхьад гухэлъышIоу иIэхэр къыгъэшъыпкъэжьынхэу тэгугъэ ыкIи тыфэлъаIо.
ПIатIыкъо Анет.