Къалэу Налщык и ЗАГС шъхьаIэ иIофышIэхэмрэ Госавтоинспекцием испециалистхэмрэ Iофтхьэбзэ гъэшIэгъон зэхащэгъагъ.
НыбжьыкIитIоу зэгуатхэхэрэм Мендельсон имарш къызафырагъаIом ыуж автомобильхэмкIэ гъогурыкIоныр амыукъоным лъыплъэрэ полицейскэхэм ахэр нэмыкI марши рагъэдэIугъэх. Ащ «Щынэгъончъэным имаршкIэ» еджагъэх.
ХэбзэухъумакIохэм зэшъхьагъусэ хъугъэ закъохэр арэп зыфагъэзагъэр. Хабзэ зэрэхъугъэу, адыгэ джэгухэм цIыфыбэ къякIуалIэ, нысэр къащэ зыхъукIи, машинипшI пчъа-
гъэ зэуж ит. Мэкъэшхо зэрагъэIурэм нэмыкIэу шхончхэр агъэонхэри кIэлакIэхэм якIас. Гъогум утетэу, машинэр псынкIэу чъэзэ шхончыр бгъэоныр, Iо хэмылъэу, щынагъо. ЗыгъаорэмкIи, гъогум тетхэмкIи. Ом изытет къызызэIыхьэкIэ, ос къесыгъэмэ, дунаир чъыIэмэ, щынагъоми хэхъо.
ГИБДД-м иинспекторхэм джэгу зыфашIырэ ныбджэгъум игушIуагъо дэзыгощынэу ЗАГС-м къэкIуагъэхэм агу къагъэкIыжьыгъ мэфэ дахэхэр амыукъонхэу, гъогум тетхэ хъумэ зыфэсакъыжьынхэу, гушIуагъор нэшхъэигъом намыгъэсынэу. Нэужым къэзэрэщэрэ ныбжьыкIэхэм афэгушIуагъэх, ягъогу зэнкIэнэу, насып яIэнэу, япсауныгъэ къаухъумэнэу афэлъэIуагъэх.
(Тикорр.).