Мыекъуапэ иволейбол командэу «Динамо-МГТУ-р» Урысыем изэнэкъокъоу апшъэрэ купым щыкIорэм хэлажьэ. Щылэ мазэм и 30 — 31-м тиспортсменхэм зичэзыу ешIэгъухэр яIэщтых.
Къалэу Одинцово икомандэу «Искрэр» тихьакIэщт. Шэмбэтым ыкIи тхьаумафэм Мыекъопэ къэралыгъо технологическэ университетым спортымкIэ и Унэ зэIукIэгъухэр щызэхащэщтых. «Динамо-МГТУ-м» итренер шъхьаIэу, Адыгеим изаслуженнэ тренерэу Павел Зборовскэм зэрилъытэрэмкIэ, тикомандэ финалым хэфэным фэшI ешIэгъухэр къыхьынхэ фае.
«Динамо-МГТУ-р» ящэнэрэ чIыпIэм щыI. Шэмбэтым зэIукIэгъур сыхьатыр 17-м аублэщт, тхьаумафэм сыхьатыр 12-м е 13-м ешIэгъур рагъэжьэщт.