Шъухэлэжьэн шъулъэкIыщт

Урысые зэнэкъокъоу «Лучший урок письма» зыфиIо­рэм ишъолъыр едзыгъо Адыгеим ыкIи Краснодар краим ащырагъэжьагъ.

2016-рэ илъэсым щыIэщт зэнэкъокъум иедзыгъохэр агъэ­нэфэгъахэх, зэкIэмкIи 13 мэхъу. Ахэм ащыщхэр: «Анахь сыгу рихьырэ кинор», урысые кином и Илъэс ипэгъокIэу, «Учитель, что в имени твоем…», «Рецепты счастливой семьи». Апшъэрэ еджапIэхэм ащеджэхэрэм хэушъхьафыкIыгъэ едзы­гъо афагъэхьазырыгъ — «Русский язык — окно в мир».

Зигугъу къэтшIырэ зэнэкъо­къур щылэ мазэм и 12-м рагъэ­жьагъ ыкIи мы илъэсым ибэ­дзэогъу и 15-м нэс кIощт.

Мыщ хэлэжьэнхэу къырагъэб­лагъэх колледжхэм, апшъэрэ ыкIи гурыт гъэсэныгъэ зыщызэ­рагъэгъотырэ еджапIэхэм якIэ­лэегъаджэхэр, кIэлэцIыкIу творческэ объединениехэм япащэхэр, кадет корпусхэр, ныбжьы­кIэ редакциехэр ыкIи клу­бхэр, кIэлэеджакIохэр, студентхэр.

Урысые зэнэкъокъоу «Лучший урок письма» зыфиIорэм фэгъэхьыгъэ къэбарыр Урысыем и Почтэ икъутамэу Краснодар краим щыIэм исайтэу www.kubanpost.ru ижъугъотэщт.

М.В. Ломоносовым ыцIэ зы­хьырэ къэралыгъо университетэу Москва дэтыр, Урысыем зэпхыныгъэмкIэ иIофышIэ­хэм япрофсоюз ыкIи «Учительскэ гъэзетыр» Урысыем и Поч­тэ игъусэхэу мы зэнэкъо­къур зэрэкъэралыгъоу щырегъэкIокIы. Илъэс къэс Урысыем ишъолъыр 82-мэ ащыпсэурэ кIэлэцIыкIу мини 110-рэ ыкIи кIэлэегъэджэ 1400-рэ зэфещэх. Шъолъыр зэнэ­къокъум иедзыгъо Пшызэ шъолъыр щызэхащэнымкIэ чанэу IэпыIэгъу къафэхъу Краснодар краим гъэсэныгъэмрэ шIэны­гъэмрэкIэ и Министерствэ.

Iэшъынэ Сусан.