Iофтхьабзэу «ЛъэсрыкIу»

2015-рэ илъэсэу икIыгъэм Адыгэ Республикэм игъогухэм хъугъэ-шIэгъэ 516-рэ къатехъухьагъ, ахэм нэбгыри 131-рэ ахэкIодагъ, нэбгырэ 602-мэ шъобжхэр атещагъэхэ хъугъэ.

463_provedenii_profilakticheskНахьыбэрэмкIэ лъэсрыкIохэм апкъ къикIэу гъогухэм тхьамы­кIагъохэр къазэратехъухьэрэм уимыгъэгумэкIын плъэкIырэп. Мыр анахь Iофыгъо шъхьаIэу непэрэ мафэхэм къэуцухэрэм ащыщ.

2015-рэ илъэсым лъэсрыкI­о­-хэм ялажьэкIэ хъугъэ-шIэгъэ 73-рэ гъогухэм къатехъухьагъ, ахэм нэбгырэ 32-рэ ахэкIодагъ, нэбгырэ 15-мэ шъобжхэр атеща­гъэхэ хъугъэ.

ГъогурыкIоныр щынэгъончъэу щытыным ыкIи гъогухэм къатехъухьэрэ хъугъэ-шIагъэхэр нахь макIэ шIыгъэнхэм апае щылэ мазэм и 14-м къыщегъэ­жьагъэу и 18-м нэс АР-м гъогурыкIоныр щынэгъончъэ­нымкIэ Къэралыгъо инспекциер кIэщакIо зыфэхъугъэ пэшIоры­гъэшъ Iофтхьабзэу «ЛъэсрыкIу» зыфиIорэр Адыгэ Республикэм щэкIо.

Iофтхьабзэм хахьэу къалэм игъогу зэхэкIыпIэхэу цIыфхэр нахьыбэу зыщызекIохэрэм Къэ­ралыгъо автоинспекцием икъу­лыкъушIэхэр атетхэу къулыкъур ахьы, гъогурыкIоным ишап­хъэ­хэр зыукъохэрэ водительхэм, анахьэу лъэсрыкIохэм, алъэплъэх.

Т. К. ЛIыунай.

Полицием имайор.