2016-рэ илъэсым щылэ мазэм и 15-м къыщегъэжьагъэу Мыекъуапэ щызекIорэ маршрут транспортхэм яномерхэу 3,4,7-м ягъогу зэхъокIыныгъэхэр афэхъущтых. Мы зигугъу къэтшIыгъэ маршруткэхэр урамэу Пролетарскэм къыщекIокIыщтыгъэхэмэ, джы ахэр урамэу Курганнэм рыкIощтых.
Мыекъопэ къэлэ администрацием къызэрэщаIуагъэмкIэ, маршруткэу N 3-р уцупIэу «Восходым» къыщежьэнышъ, урамхэу Железнодорожнэм, Курганнэм ыкIи Пушкиным, Гоголым, Чкаловым ацIэ зыхьыхэрэм арыкIощт. КъызигъэзэжьыкIэ, урамхэу Депутатскэм, Пионерскэм, Лениным ыцIэ зыхьырэм, Пролетарскэм, Гоголым, Пушкиным ацIэ зыхьыхэрэм, Железнодорожнэм къащекIокIыщт, уцупIэу «Восходым» екIолIэжьыщт.
ЦIыфхэр зезыщэрэ маршруткэу N 4-р уцупIэу «Инфекционнэ сымэджэщым» къыщежьэнышъ, урамхэу Железнодорожнэм, Пушкиным, Гоголым ацIэ зыхьыхэрэм, Пролетарскэм, Победэм, Пионерскэм, Депутатскэм, Чкаловым ыцIэ зыхьырэм арыкIощт. КъызигъэзэжьыкIэ, урамэу 12 Мартым, Юннатхэм яурам, Димитровым, Курганнэм, Гоголым, Пушкиным ацIэ зыхьыхэрэм, Железнодорожнэм арыкIощт, уцупIэу «Инфекционнэ сымэджэщым» екIолIэжьыщт.
Маршруткэу N 7-м игъогу уцупIэу «Восходым» къыщыригъэжьэнышъ, урамхэу Шоссейнэм, Лесноим, Шэуджэным, Пушкиным, Гоголым ацIэ зыхьыхэрэм, Курганнэм, Краснооктябрьскэм, Пролетарскэм, Победэм, Пионерскэм, я III-рэ Интернационалым, Депутатскэм, Чкаловым ыцIэ зыхьырэм, Аэродромнэм, Ворошиловым, дачэу «Весна» зыфиIорэм нэс арыкIощт. Маршруткэм къызигъэзэжьыкIэ, урамхэу Ворошиловым, Аэродромнэм, Чкаловым ыцIэ зыхьырэм, Курганнэм, Гоголым, Пушкиным, Шэуджэным ацIэ зыхьыхэрэм, Лесноим, Шоссейнэм арыкIощт, уцупIэу «Восходым» екIолIэжьыщт.
Джащ фэдэу щылэ мазэм и 15-м къыщегъэжьагъэу муниципальнэ маршрутыкIэу 4А зиномерыр кIэу къытырагъэхьащт. Ар аужырэ уцупIэу «Учебное лесничество» зыфиIорэм къыщегъэжьагъэу урамэу Курганнэм, район цIыкIоу «Черемушкэм» арыкIощт. КъызигъэзэжьыкIэ урамэу Пионерскэм занкIэу къырыкIощт, «Учебнэ лесничествэм» екIолIэжьыщт.
Мыекъопэ къэлэ администрацием инфраструктурэмкIэ иотдел къызэрэщаIуагъэмкIэ, зэхъокIыныгъэхэм лъапсэ афэхъугъэр урамэу Пролетарскэм транспортэу тетыр нахь макIэ шIыгъэныр ыкIи цIыфхэр зекIонхэмкIэ нахь Iэрыфэгъу къафэхъуныр арых.
КIарэ Фатим.