НАТХЪОХЭМ ТАГЪЭГУШIОЩТ

ТелефонкIэ къатыгъ. Футбол клубэу ЦСКА-м иешIакIоу Натхъо Бибарс изы­гъэпсэфыгъо мафэхэр Израиль ит адыгэ къуа­джэу Кфар-Камэ щи­гъакIохэзэ гущыIэгъу тыфэхъугъ.

DSC_0876

— Тэ, адыгэхэм, спортым ишIуа­гъэкIи дунаим нахьышIоу тыщашIэ зэрэхъугъэм сырэгу­шхо. ЦСКА-р цIэрыIоу щыт. Футбол сыщешIэзэ къыслъыплъэхэрэр згъэгушIохэ сшIоигъу. ЦСКА-м тиунэкъощэу Амири аштагъ, ар Мыекъуапэ щыщ, сэ Кфар-Камэ сыкъыщыхъугъ. УнагъохэмкIэ ты­зэлъэкIо, бэмышIэу сяни си­шъхьэгъуси Мыекъуапэ щыIагъэх. 2016-рэ илъэсым Амиррэ сэрырэ ЦСКА-м тызэгъусэу тыщешIэзэ, къэлапчъэм Iэгуаор бэрэ дэтыдзэ, Урысыем ичемпион тыхъу тшIои­гъу. Илъэ­сы­кIэу къихьащтыр илъэс мафэ зэкIэми афэ­хъунэу Тхьэм се­лъэIу, — къы­тиIуагъ Б. ­Натхъом.

Сурэтым итыр: Натхъо Бибарс.