Композиторым ишIэжь зэхахь

Урысые Федерациемрэ Адыгэ Республикэмрэ искусствэхэмкIэ язаслуженнэ IофышIэшхоу, композиторэу, профессорэу КIыкI Хьисэ фэгъэхьыгъэ шIэжь пчыхьэзэхахьэ гъэтхапэм и 5-м зэхащэщт.

Гисса ЧичАдыгэ Республикэм культурэм­кIэ и Министерствэ, Адыгеим и Къэралыгъо академическэ къэ­шъокIо ансамблэу «Налмэсыр», Адыгэ Республикэм и Лъэпкъ театрэу Цэй Ибрахьимэ ыцIэкIэ щытыр, Адыгэ Республикэм искусствэхэмкIэ иколледж зэIу­кIэгъум хэлэжьэщтых. Адыгэ къэралыгъо университетым ис­кусствэхэмкIэ и Институт Iоф­тхьабзэм кIэщакIо фэхъугъ.

КIыкI Хьисэ Урысыем икомпозитормэ я Союз хэтыгъ. Адыгэ­мэ ялIыхъужъ гъогу, адыгэ лъэпкъ орэдхэм ягъэпсыкIэ, нэ­мыкIхэм яхьылIагъэу ыусыгъэхэр тимузыкальнэ искусствэ шIукIэ къыхэнагъэх, еджапIэхэм ащызэрагъашIэх, концертхэм къащатых.

Театрэм щагъэуцурэ спектаклэхэм апае орэдышъохэр ытхыщтыгъэх, щыIэныгъэм еплъыкIэу фыриIэр искусствэм ыбзэкIэ лъэпкъ зэфэшъхьафхэм алъигъэ­Iэсыным пылъыгъ. Къызыщы­хъугъэ къуаджэу Нэшъукъуае цIыф цIэрыIоу къыдэкIыгъэхэм зэу ащыщ. ИскусствэхэмкIэ Институтым илъэсыбэрэ Iоф щи­шIагъ. КIыкI Хьисэ идунай зихъо­жьыгъэр илъэс хъугъэ. Интернационалист шъыпкъэу, ихэ­гъэгу, ичIыгу шIу ылъэгъухэу зэрэпсэущтыгъэр пчыхьэзэхахьэм щы­зэхэтхыщт. Композиторым ыпхъоу Наталье искусствэм щы­зэлъашIэ, IэкIыб хэгъэгум исэу лъэпкъ произведениехэр дунаим щегъэжъынчых.

Наталье къызэрэтиIуагъэу, шIэжь концертэу ятэ фэгъэхьы­гъэм искусствэр зыгъэлъапIэхэрэр щызэIукIэщтых. Зэхахьэр гъэтхапэм и 5-м мафэм сыхьатыр 4-м Адыгэ къэралыгъо университетым щырагъэжьэщт.

 

Сурэтым итыр: композитор цIэрыIоу КIыкI Хьис.