СамбэмкIэ Урысые зэ­нэ­къокъухэр чъэпыогъум и 20-м Москва щыкIуа­гъэх.

Партиеу «Единэ Россием и НыбжьыкIэ Гвардие» ишIухьафтын зэрылъ турнирым зыныбжь илъэс 24-м шIомыкIыгъэ къэралыгъом испортсмен анахь лъэшхэр хэлэжьагъэх. Iофтхьабзэм изэхэщэнкIэ IэпыIэгъу къафэхъу­гъэх Урысыем самбэмкIэ ифе­дерациерэ партийнэ проектэу «ZА Самбо» зыфиIорэмрэ.
Олимпийскэ резервым испорт еджапIэу Адыгеим щыIэм илIыкIохэм гъэхъэгъэшIухэр ашIыгъэх, медалищ къахьыгъ. Гъомлэшк Анзор ятIонэрэ чIыпIэр къыфагъэшъошагъ, Тыгъужъ Тимуррэ Наш Расулрэ джэрз медальхэр къахьыгъэх. ТикIалэхэм ятренерых А. Делэкъор, А. Гъомлэшкыр, Р. Джарымэкъор, А. Хьабэхъур, А. Джарымэкъор.
Тисамбистхэм ыкIи ахэр зыгъа­сэхэрэм тафэгушIо, тапэкIи мыщ фэдэ гъэхъэгъэшIухэр ашIынхэу афэтэIо.