БаскетболымкIэ Урысыем ичемпионат иапшъэрэ лигэ хэт «Динамо-МГТУ-м» Екатеринбург щыриIэгъэ ешIэгъуитIум текIоныгъэр къащыдихыгъ.

Свердловскэ хэкум икъэлэ шъхьаIэ къэзыгъэлъэгъорэ «ТСК-Урал-УрГУПС-р» ары тикомандэ зыIукIагъэр.
Апэрэ ешIэгъур тикомандэкIэ къызэрыкIуагъэп. Ар аухынкIэ тIэкIу дэдэ къэнагъэу «Динамо-МГТУ-м» щешIэрэ Даниил Волковым Iэгуаор хъагъэм ри­дзагъ ыкIи 67:66-у текIоныгъэр къытфихьыгъ.
ЯтIонэрэ зэIукIэгъур тиспорт­сменхэмкIэ псынкIагъ. Апэрэ такъикъхэм къащегъэжьагъэу Адыгеим ибаскетболистхэр ыпэкIэ илъыщтыгъэх, хъагъэм Iэгуаор радзэныр къин къащыхъущтыгъэп — пчъагъэр 77:49-у ешIэгъур къахьыгъ.
ЗэIукIэгъуитIум язэфэхьысыжьхэмкIэ, тикомандэ щешIэрэ Константин Клементьевым очко 40 ригъэкъугъ. ШэкIогъум и 9 — 10-м «Динамо-МГТУ-м»
Мыекъуапэ ешIэгъуитIу щыриIэщт, республикэм икъэлэ шъхьаIэ ихьакIэщт командэу «Русичи».