Псауныгъэр гъэпытэгъэным фытегъэпсыхьэгъэ Iофтхьабзэу «Сиунагъо ыкIи синыбджэгъухэм сырягъусэу лъэбэкъу мини 10» зыфиIорэр непэ рес­публикэм икъэлэ шъхьаIэ щырагъэкIокIыщт.

Ащ изэхэщакIох Мыекъуапэ физическэ культурэмкIэ ыкIи спортымкIэ и Комитетрэ Адыгэ Республикэм и Олимпийскэ Советрэ.
Iофтхьабзэр пчэдыжьым сы­хьатыр 10-м ЗыкIыныгъэмрэ Зэкъошныгъэмрэ япчэгу иплощадь щырагъэжьэщт, Мыекъуапэ иурамхэр къакIухьэзэ ащ хэлажьэхэрэр къэлэ гупчэ пар­кым нэс къэкIощтых, лъэбэкъу мини 10 къызэранэкIыщт.