ГандболымкIэ Урысыем и Суперлигэ щешIэрэ «АГУ-Адыифым» зэкIэлъыкIоу ятIонэрэ ешIэгъур шIуахьыгъ.

Адыгеим ибзылъфыгъэ командэ зэнэкъокъум иятIонэрэ тур къыдыхэлъытэгъэ зэIукIэгъур Астрахань щыриIагъ. Апэрэ таймым хьакIэхэм яешIакIэ уигъэрэзэнэу щытыгъ, ау ятIонэрэм «Астраханочкэр» хэпшIыкIэу нахь лъэшыгъ. Анахьэу бысымхэм къахэщыгъэр Яна Сотниковар ары, ащ гъогогъу 11-рэ къэлап­чъэм Iэгуаор дидзагъ. Пчъагъэр 35:19-у зэIукIэгъур аухыгъ.

Турым изэфэхьысыжьхэр: «Астраханочка» — «АГУ-Адыиф» — 35:19, «Динамо-Синара» — «Ла­да» — 27:27, «Черноморочка» — «Звезда» — 36:35.
КъыкIэлъыкIощт зэIукIэгъур «АГУ-Адыифым» Волгоград щыриIэщт, Iоныгъом и 23-м чIыпIэ командэу «Динамо-Синара» дешIэщт.